С.Эрдэнэ: Наадмын зохион байгуулалт сайн байна

Наадмын нээлтийн дараа УИХ-ын гишүүн С.Эрдэнэтэй сурын талбай орох үед нь сэтгэгдэл авлаа.

-Сайхан наадаж байна уу?

-Сайхаан. Сайхан наадаж байна уу. Энэ жилийн баяр наадам сайхан болж байна. Хур бороо элбэгтэй, өргөн олон түмэн тайван амгалан сайхан наадам болж байна.

-Манай уншигчдад наадмын мэндчилгээ дэвшүүлэхгүй юу?

-Монгол түмэндээ баяр наадмын мэндийг дэвшүүлье. Өргөн олон түмнээрээ тайван сайхан наадаарай.

-Энэ жилийн баяр наадмын онцлогийг та өөрийнхөөрөө тодорхойлохгүй юу?

-Өмнөх жилүүдэд наадам хуурай шороо элбэгтэй, нар хурц шарсан халуун бүгчим болдог байсан. Энэ жилийн наадам бороо хуртай чийгтэй, наадмын зохион байгуулалт сайн байна гэж бодож байна.

-Энэ жилийн наадмын төлөвлөгөө?                 

-Энэ жил төлөвлөсөн юм байхгүй. Сая наадмын нээлтэнд орсон. Одоо сураар ороод, Хүй долоон худаг явна. Маргааш бас хүй долоон худаг дээгүүр өнжих байх даа.

-Манай төрийн түшээдийн ихэнх нь морь уядаг. Таны хувьд энэ жил морь уясан уу?

-Би морь уяагүй. Морь уралдахыг харахад л маш сайхан байдаг.

-Баярлалаа, сайхан наадаарай.

-Баярлалаа. Та бүхэн сайхан наадаарай

Д.Төгс

А.Баярмаа