Ардчилсан Нам “Шударга ёс” эвсэлтэй хамтрах саналаа албан ёсоор ирүүлжээ

Өчигдөр орой МАХН-МҮАН-ын “Шударга ёс” эвсэлд УИХ дахь АН-ын бүлгээс Монгол Улсын Үндсэн хуулийн 33 дугаар зүйлийн холбогдох заалт, АН-ын ҮЗХ-ны 39 дүгээр хуралдааны шийдвэрийг үндэслэн Хамтарсан Засгийн газар байгуулах саналаа илэрхийлсэн мэдэгдэл хүргүүлсэн байна.

УИХ дахь АН-ын бүлгээс ажлын хэсэг байгуулж,  даргаар гишүүн Х.Баттулга, эрх бүхий гишүүдэд Ц.Баярсайхан, Ч.Сайханбилэг, Х.Тэмүүжин, С.Эрдэнэ нарыг  томилсон ажээ.

Өнөөдөр “Шударга ёс” эвслийн бүлэг хуралдаж, ажлын хэсгээ байгуулан АН-ын ажлын хэсэгтэй хэлэлцээрт орох юм байна.

Д.Мягмарсүрэн