Өнөөдөр МАН-ын Бага хурал болно

Өнөөдөр 09.00 цагт МАН-ын Бага хурал Тусгаар тогтнолын ордонд эхлэх бөгөөд хурал хаалттай болох ажээ.

Уг хурлаар УИХ-ын сонгууль, НИТХ-ын сонгуульд нам ялагдал хүлээсэн  хариуцлагыг намын дарга болоод ерөнхий нарийн бичгийн дарга нар хүлээн, огцорч байгаагаа мэдэгдэж, шинээр намын удирдлагыг сонгох зэрэг асуудлыг хөндөнө.  МАН-ын Удирдах зөвлөлийн төвшинд МАН-ын даргаар УИХ-ын гишүүн Ө.Энхтүвшинг нэр дэвшүүлсэн байна. Харин Ерөнхий нарийн бичгийн даргад БОАЖЯ-ны сайд Д.Цогтбаатар, ГХЯ-ны сайд Г.Занданшатар нарыг санал болгоод байгаа аж. УИХ-ын гишүүн Ө.Энхтүвшин өрсөлдөгчгүйгээр намын дарга болох бол ерөнхий нарийн бичгийн даргад нэр дэвшигчдээс хэн нь Бага хурлын гишүүдээс хамгийн их санал авсан нь ерөнхий нарийн бичгийн дарга болох юм.

Х.Заяа