УИХ-ын даргыг сонгох асуудлыг хэлэлцэж байна

Яг одоо УИХ-ын Анхдугаар хуралдааныг УИХ-ын гишүүн Л.Цог даргалж УИХ-ын даргыг сонгох асуудлыг хэлэлцэж байна. Энэ удаагийн УИХ-ын даргад УИХ-ын гишүүн З.Энхболдыг олонхын саналаар нэр дэвшүүлээд байгаа юм.

Зандаахүүгийн Энхболд 1966 оны 5 дугаар сарын 23-нд Улаанбаатар хотод төрсөн, эхнэр, охин, хоёр хүүтэй.

Тэрбээр 1984 онд Сэлэнгэ аймгийн Сүхбаатар хотын 10 жилийн дунд сургууль, 1989 онд ОХУ-ын Уралын Политехникийн дээд сургуулийг төгссөн. Автоматик, телемеханикийн инженер мэргэжилтэй. 1996 онд Монгол Улсын Их сургуулийг эрх зүйч мэргэжлээр төгссөн. 2004 онд АНУ-ын Денверийн Их сургуульд Олон улсын Бизнесийн удирдлагын магистрын зэрэг хамгаалсан. Англи, орос хэлтэй юм байна.

А.ТЭМҮР