Ерөнхийлөгч Ц.Элбэгдорж Лондонг зорилоо

Өнөөдөр Ерөнхийлөгч Ц.Элбэгдорж Английн Лондон хотод болох олимпийн наадмыг үзэхээр явлаа. Ерөнхийлөгч хувийн зочноороо Гандантэгчинлэн хийдийн хамба лам Д.Чойжамц, хөдөлмөрийн баатар Х.Цагаанбаатар нарыг сонгон авч явахаар болжээ.

Лондонгийн олимпийн нээлтийг дэлхийн 120 гаруй орны төр засгийн тэргүүн үзэж сонирхох юм байна. Иймд манай Ерөнхийлөгч ч Олимпийн нээлтэд оролцож баг тамирчдаа дэмжихээр болов. Мөн олимпийн наадмын үеэр спортын уралдаан тэмцээнээс гадна олон орны удирдагчдын уулзалт болох юм. Ерөнхийлөгч Ц.Элбэгдорж хэд хэдэн орны төр засгийн тэргүүнтэй уулзалт зохион байгуулна.

Х.Заяа