Чуулганы хуралдаантай давхцан МАН-ын бүлэг хуралдаж байна

Өнөөдөр 10 цагаас хуралдах товтой байсан чуулганы хуралдаан товлосон цагаас хоцорч эхэллээ. Чуулганы хуралдаанаар байнгын хороодыг байгуулах болон бусад цаг үеийн асуудлаар хуралдах юм байна.

Долоо хоногийн эхээр МАХН-МҮАН-ын "Шударга ёс" эвслийнхэн чуулганд оролцохгүй байж магадгүй гэсэн бор шувуу нисээд амжсан хэдий ч тус эвслийн бүлгийн бүх гишүүд хуралдааны танхимд орж ирлээ. Яг чуулган хуралдаж байх энэ мөчид МАН-ын бүлэг хуралдаж эхэллээ. Тус намынхан бүлгийнхээ хурлаар цаг үеийн болон улстөрийн зарим асуудлыг хэлэлцэж байгааг албаны эх сурвалж мэдээллээ.

А.ТЭМҮР