О.Баасанхүү: Гөлөг, нохой хоёрын дундуур хууль ярих төвөгтэй юм байна

Өчигдөр Төрийн ордны Г танхимд УИХ-ын гишүүн, хуульч О.Баасанхүү мэдээлэл хийсэн. Тэрээр “ТЕГ гэдэг бол Үндэсний аюулгүй байдлын хэмжээний хэргийг хянан шалгах ёстой.

Гэтэл салаавчны асуудал хөөж байна” хэмээн УИХ-ын гишүүн асан Г.Шинэбаярыг ТЕГ-аас салаавч үзүүлснийх нь төлөө шалгаж байгаа талаар хэвлэлийнхэнд мэдээлэл өгсөн. Мөн МАХН-ын дарга Н.Энхбаярт ял оноосон талаар ч мэдээлэл хийсэн юм. Харин хэвлэлийн хурал дууссаны дараа тэрээр “Гөлөг, нохой хоёрын дундуур хууль үнэхээр төвөгтэй байдаг юм байна” гэсээр гарч одов. Энэ үгийг чухам хэнд чулуудсан нь тодорхойгүй үлдлээ.