Сонгуулийн ирц хүрэхгүй бол 5.4 тэрбум төгрөг салхинд хийснэ

Энэ жилийн  Орон нутгийн сонгуулийг анх удаа өвөл зохион байгуулж байна. Баг сум бүрээс тө­лөө­лөл орсон, улсаас хуваарилсан төс­вийг өөрсдөө захиран зарцуулах эрх­тэй, урьд өмнөхөөс  өндөр эрх ямба бүхий орон нутгийн өөрөө удирдах байгууллагыг энэ өдөр  Монголын ард түмэн сонгох юм.  Баг бол­гоны төлөөлөгч сумын ИТХ-д, сум болгоны төлөөлөгч Аймгийн ИТХ-д шууд суухаар Орон нутгийн сонгуулийн тухай хуульд хуульчилсан. 
2008 онд Орон нутгийн сон­гуулийн ирц нийслэлд 65,6 хувь­­тай, хөдөө орон нутагт түү­нээс ба­га ирцтэй гарч байсан удаатай.

 Өнөөдөр Сонгуулийн Ерөнхий хорооны 11 цагийн мэдээллээр сонгуулийн ирц 15,7  хувьтай  байна. Өнөөдрийн сонгуульд идэвхитэй оролцохгүй бол та бид­ний хөлс  хүчээрээ бий болго­сон 5.4 тэрбум төгрөг салхинд хийснэ. Үүнээс гадна Орон нутгийн сон­г­уульд санал өгөөгүй хүнийг тө­рийн албанд ажиллах эрхийг нь хасах хатуу чанд заалт Орон нут­гийн сонгуулийн тухай хуульд бай­гааг сануулахад илүүдэхгүй биз ээ.  Энэ өдрийг иргэдийн сонголтоо хийх хариуцлагатай өдөр хэмээн бүх нийтийн амралтын өдөр болгон зарласан ч сонгуульдаа оролцохгүй бол амрах эрхгүй гэж Ерөнхийлөгчийн хэлснийг санаж сонгуульдаа идэвхтэй оролцоцгооё.

Г.Энхтуяа