Э.Бат-Үүлийн зургаан орлогчийг дэмжлээ

Нийслэлийн Засаг дарга зургаан орлогчтой болж байна. Учир нь Нийслэлийн Засаг дарга таван нэр дэвшигчийг ИТХ-ын Тэргүүлэгчидтэй зөвшилцөхөөр хуулийн дагуу хүргүүлснийг өнөөдөр Нийслэлийн ЗДТГ-ын дарга Ё.Гэрэлчулуун танилцуулсан юм.  

Нийслэлийн ИТХ-ын Тэргүүлэгчид энэхүү асуудлыг хэлэлцээд нэр дэвшигчдийг зөвшилцсөнд тооцож, санал нэгтэйгээр дэмжлээ. ИТХ-ын Тэргүүлэгчид дэмжсэн учраас нийслэлийн Засаг дарга захирамж гаргаж орлогч нараа томилох аж. Ингээд Э.Бат-Үүл даргын орлогчоор ажиллах эрхмүүдийг танилцуулъя.

-Санхүү, эдийн засгийн асуудал хариуцсан орлогч даргаар Н.Батаа

-Хот байгуулалт, хөрөнгө оруулалтын асуудал хариуцсан орлогч даргаар С.Очирбат

-Зам, тээвэр, дэд бүтцийн асуудал хариуцсан орлогч даргаар Н.Гантөмөр

-Хөдөлмөр эрхлэлт нийгмийн хамгааллын асуудал хариуцсан орлогч даргаар Ц.Буяндалай

-Экологи, ногоон хөгжлийн асуудал хариуцсан орлогч даргаар Т.Бат-Эрдэнэ нар  ажиллах юм.