Ноён Сума Чакрабати: Монголд авлига нэхдэг үзэгдэл багассан

Европын сэргээн босголт, хөрөнгө оруулалтын банкны Ерөнхийлөгч Сума Чакрабати Монгол Улсын Ерөнхийлөгч Цахиагийн Элбэгдоржид бараалхлаа. ЕСБХОБ нь хувийн хэвшлийг дэмжих зорилготой бөгөөд Азийн бүс, тэр дундаа Монгол Улстай идэвхтэй хамтран ажилладаг. Ноён Чакрабати хэлэхдээ “Монголд сүүлийн жилүүдэд авлигын төвшин огцом буурч байгаа нь мэдрэгдэж байна. Тухайлбал, аж ахуйн нэгжүүдийн дунд хийсэн судалгаагаар төрийн байгууллагуудын зүгээс авлига нэхдэг үзэгдэл багассан” гэв.

Дараа нь Ерөнхийлөгч Ц.Элбэгдорж, ноён Чакрабати нар Монгол Улс дахь хөрөнгө оруулалтын боломжийг дээшлүүлэх, бизнесийн орчин нөхцөлийг сайжруулах боломжийн талаар санал солилцлоо.