Олон улсын парламентчид чуулж байна

Ази-Номхон далайн парламентчдын 21 дүгээр чуулганы хуралдаан ОХУ-ын Владивосток хотноо болж байна. Энэ удаагийн чуулганд Монгол Улсаа төлөөлөн оролцож буй төлөөлөгчдийн багт УИХ-ын дэд дарга С.Баярцогт, УИХ-ын гишүүн Г.Батхүү, Н.Энхболд, Н.Батцэрэг нар багтжээ.   Энэ сарын 31-ныг хүртэл үргэлжлэх энэхүү чуулганаар “Улс төр ба аюулгүй байдлын асуудлууд” сэдвээр хэлэлцүүлэг өрнүүлэх юм байна. Ази-Номхон далайн парламентын чуулган нь нийтийн ашиг сонирхол, санаа зовоож буй улс төр, эдийн засгийн асуудлаар хэлэлцэж, гишүүн орнуудын парламентын хамтын ажиллагааг хөгжүүлэх, бүс нутгийн итгэлцлийг бататгахад онцгой үүрэгтэй.

А.Баярмаа