Шадар сайд Д.Тэрбишдагвын өрөөнд дайрч орсон этгээд ус цацжээ

Нийслэлийн Мэргэжлийн хяналтын газрын дарга асан н.Баярсайхан өчигдөр орой 17.00 цагийн үед Монгол Улсын Шадар сайд Д.Тэрбишдагвын өрөөнд дайрч оржээ. Түүгээр ч зогсохгүй туслахыг  нь түлхэн, загнаж хүч түрэмгийлэн сайдын өрөөнд орсон гэнэ. Тэрбээр сайдын өрөөнд оруутаа барьж явсан савтай усаа өрөөнд нь цацжээ. Ямар учраас сайдын өрөөнд ус цацсан бэ гэдэг асуудал нь тодорхой бус байна.