Төрийн гурван өндөрлөг 08.00 цагт золгоно

Монгол Улсын Ерөнхийлөгч Ц.Элбэгдорж, УИХ-ын дарга З.Энхболд, Ерөнхий сайд Н.Алтанхуяг нар XVII жарны “Тийн ялгуусан” хэмээгч усан могой жилийн Шинийн нэгний өглөө 08.00 цагт  Төрийн есөн хөлт цагаан туганд хүндэтгэл үзүүлээд Төрийн ёслол, хүндэтгэлийн гэр өргөөнд золголт хийнэ. Мөн, Төрийн гурван өндөрлөг ахмад настны төлөөлөлтэй золгож дурсгалын зураг татуулаад сэтгүүлчдэд ярилцлага өгч,  ард түмэндээ мэндчилгээ дэвшүүлэхээр боллоо.  Бид энэ талаар эргэн шуурхай мэдээлэх болно.

А.Баярмаа