Кёкүшюүзан Д.Батбаяр хөдөөний өвгөнд зад загнуулсан нь

Кёкүшюүзан Д.Батбаяр гавьяат улс төрд ороод удаагүй байсан үедээ хөдөөгийн нэгэн өвгөнд салам загнуулсан гэнэ. Японд газар хөдлөлт цунами болсны дараа тэрбээр сонгогчидтой уулзалт хийгээд явж байжээ. Тэгээд үг ихэлэхээр босч “Монголчууд бид их азтай хүмүүс. Бидэнд ийм том газар нутаг байна. Тэгэхэд Японд яаж байна, газар хөдөлж, цунами болж байна шүү дээ. Япон нөхөд надад хэлсэн, Кёкүшюүзан аа, танайх ийм сайхан том газар нутагтай...” гэтэл нэгэн өвгөн дундуур нь тас дайрч “Битгий давар гэж хэл, өгөхгүй за. Монголын газар шороог япончуудад худалдах нь уу” хэмээн зад загнасан аж. Хүмүүс ч өвгөнийг дэмжиж шуугилдсан учир тэрбээр суухаас өөр аргагүй болсон аж. Суусныхаа дараа “Би уг нь Монгол том газар нутагтай сайхан, Япон жижигхэн газар нутагтай учраас бид азтай л гэж хэлэх гэж байсан шүү дээ” хэмээн амандаа бувтнаж суусан гэдэг. 

С.Төгөлдөр