Тэргүүн охин Б.Намууны ээжээрээ бахархсан хөрөг

Ерөнхийлөгч Х.Баттулгын охин Б.Намуун оны өмнөхөн хүүхдийн төлөөх "Намуун"сан байгуулж, “Тэрэлж” зочид буудалд сангийнхаа нээлт, хандивын үдэшлэгийг гадны зочид голдуу хүрээнд, нууцхан хийсэн билээ. Сангийнхаа үйл ажиллагааг идэвхижүүлж, хүүхдийн эмнэлэг барих төслөө удирдаж буй тэргүүн охины сэтгэл татам нэгэн зураг нийтлэгдлээ. @bta_artist -ын зурсан хөргийн талаар тэрбээр "Хамгийн гоё, гэнэтийн сюрпризийн нэг, баярлалаа @bta_artist. Ээжийнхээ дизайн хийсэн дээл, малгайтай сууж байгаа зураг" гэж тайлбарлажээ. 

Сонирхуулахад, "Намуун" сангийн тэргүүн Б.Намуун Монгол Улсаас АНУ-д суугаа ЭСЯ, АНУ-ын Конгресс дахь Монголын бүлэгтэй хамтран “Монголын цагаан сар Капитол Хилл-д” арга хэмжээг энэ жилийн сар шинээр зохион байгуулжээ. АНУ-ын Конгрессын байранд цагаан сарын өдрүүдээр зочлоод ирсэн Б.Намуун "Цаашид жил бүрийн цагаан сараар уламжлал болгон зохион байгуулах энэ хүлээн авалт АНУ-ын Конгресст Монгол Улсыг сурталчлах, ингэснээрээ Конгрессоор хэлэлцэхээр төлөвлөж буй Гуравдагч хөршийн худалдааны хууль батлуулахад тус нэмэр болох ач холбогдолтой" гэж тодотгожээ. Ерөнхийлөгчийн охин энэчлэн нийгэм, олон нийтийн ажилд тун идэвхтэй оролцоотой яваа юм байна.