ӨВӨРХАНГАЙ: Багуудын нэгдсэн өдөрлөгийг зохион байгуулна

Арвайхээр сумын ЗДТГ, ИТХ, УИХ-ын гишүүн, УИХ дахь МАН-ын бүлгийн дарга Д.Тогтохсүрэнгийн ажлын албанаас Арвайхээр сумын багуудын нэгдсэн өдөрлөгийг маргааш  /2019.09.14/  Дайргын голд зохион байгуулах гэж байна. Тус өдөрлөгийг өмнөх онд зохион байгуулсан бөгөөд Арвайхээр сумын иргэд хөдөлмөрчид өргөнөөр оролцож, цаашид энэхүү өдөрлөгийг зохион байгуулах хүсэлт гаргаж байсан нь ийнхүү биелэлээ олж дахин зохион байгуулах гэж байна.

Арвайхээр сумын багуудын нэгдсэн өдөрлөгийн үеэр олс таталтын тэмцээн, буухиа тэмцээн, уран жолоодлогын тэмцээн, үндэсний бөхийн бөхийн барилдаан, шагайн харваа, морьтой сайхан хос шалгаруулах тэмцээн, шилдэг тохижилттой гэрийг тус тус шалгаруулах юм.