Хүнс, хөдөө аж ахуйн, хөнгөн үйлдвэрийн яамнаас “Эрүүл хүнс – Эрүүл монгол хүн” уриан дор зохион байгуулагдаж буй “Намрын ногоон өдрүүд-2019” нэгдсэн арга хэмжээний хүрээнд 5 төрлөөр үндэсний шилдэг бүтээгдэхүүн шалгаруулж шагнал гардуулна.
- Хүүхдэд зориулсан хүнсний шилдэг бүтээгдэхүүн
- Шинэ нэр төрлийн хүнсний шилдэг бүтээгдэхүүн
- Орон нутгийн хүнсний шилдэг бүтээгдэхүүн
- Хүнсний экспортын шилдэг бүтээгдэхүүн
- Шилдэг органик бүтээгдэхүүн /шилжилтийн бүтээгдэхүүн байж болно/
Шалгаруулалтын материалыг Хүнс, хөдөө аж ахуйн, хөнгөн үйлдвэрийн яаманд 2019 оны 9 дүгээр сарын 23-ний Даваа гарагийн 10.00 цагаас өмнө хүлээн авч, шалгаруулалтыг 12.00 цагт явуулан, шилдэг бүтээгдэхүүний шагналыг 9 дүгээр сарын 24-ний Мягмар гаригт, “Намрын ногоон өдрүүд-2019” нэгдсэн арга хэмжээний хаалтын арга хэмжээний үеэр гардуулна.
Шилдэг бүтээгдэхүүний шалгаруулалтад оролцогч иргэн, хоршоо аж ахуйн нэгж байгууллага дараах материалыг бүрдүүлнэ.
“НАМРЫН НОГООН ӨДРҮҮД-2018” НЭГДСЭН АРГА ХЭМЖЭЭНИЙ
“ЭРҮҮЛ ХҮНС – ЭРҮҮЛ МОНГОЛ ХҮН” ҮЗЭСГЭЛЭН ХУДАЛДААНЫ ШАГНАЛЫН НОМИНАЦИ
№ | Шагналын төрөл | Шалгуур үзүүлэлт | Бүрдүүлэх материал |
1 | Хүүхдэд зориулсан хүнсний шилдэг бүтээгдэхүүн | - Хүүхдийн эрүүл мэндийг дэмжих үүрэгтэй - Чихэр, давс, тосны агууламж бага - Хэрэглэгчийн хүсэлд нийцсэн байдал - Үйлдвэрлэл, борлуулалтын тоо, хэмжээ /жилээр/ - Бүтээгдэхүүний сав баглаа боодол, хаяг шошго - Стандарт |
- Албан бичиг /нэр дэвшиж буй төрлийг тодорхой бичнэ/ - Байгууллагын танилцуулга - Бүтээгдэхүүний танилцуулга - Үйлдвэрлэл, борлуулалтын мэдээ тайлан - Бүтээгдэхүүний дээж 1 ш |
2 | Шинэ нэр төрлийн шилдэг бүтээгдэхүүн | - Хүний эрүүл мэндийг дэмжих үүрэгтэй - Чихэр, давс, тосны агууламж багатай - Хэрэглэгчийн хүсэлд нийцсэн байдал - Тухайн жилд зах зээлд шинээр нэвтэрсэн байдал - Шинэ технологийг нэвтрүүлсэн - Шим тэжээллэг чанар - Үйлдвэрлэл, борлуулалтын тоо, хэмжээ - Бүтээгдэхүүний сав баглаа боодол, хаяг шошго - Стандарт |
- Албан бичиг /шалгаруулалтын төрлийг тодорхой бичнэ/ - Байгууллагын танилцуулга - Бүтээгдэхүүний танилцуулга - Үйлдвэрлэл, борлуулалтын мэдээ тайлан - Бүтээгдэхүүний дээж 1 ш |
3 | Орон нутгийн хүнсний шилдэг бүтээгдэхүүн | - Орон нутгийн түүхий эд, орцыг ашигласан - Технологи ажиллагааны шийдэл - Шим тэжээллэг чанар, давс, чихрийн агууламж бага - Хэрэглэгчийн хүсэлд нийцсэн байдал - Бүтээгдэхүүний сав баглаа боодол, хаяг шошго - Үйлдвэрлэл, борлуулалтын тоо, хэмжээ /жилээр/ - Нийгмийн хариуцлага /орон нутагт бий болгосон ажлын байр/ - Стандарт |
- Албан бичиг /шалгаруулалтын төрлийг тодорхой бичнэ/ - Байгууллагын танилцуулга /орон нутагт шинээр бий болгосон ажлын байрны мэдээллийг тусгана/ - Бүтээгдэхүүний танилцуулга - Үйлдвэрлэл, борлуулалтын мэдээ тайлан - Бүтээгдэхүүний дээж 1 ш |
4 | Хүнсний экспортын шилдэг бүтээгдэхүүн | - Экспортолсон бүтээгдэхүүний тоо, өөрчлөлт - Экспортын үнийн дүн, өөрчлөлт /жилээр/ - Экспортын зах зээлийн төрөлжилт /экспортолсон улсын тоо/ - Баталгаажуулалт, стандарт - Бүтээгдэхүүний сав баглаа боодол, хаяг шошго |
Албан бичиг /нэр дэвшиж буй төрлийг тодорхой бичнэ/ Байгууллагын танилцуулга Бүтээгдэхүүний танилцуулга Үйлдвэрлэл, борлуулалтын мэдээ тайлан /Гаалийн газрын тодорхойлолт 2017, 2018 оны/ Барааны тэмдгийн гэрчилгээний хуулбар Бүтээгдэхүүний дээж 1 ш |
5 | Шилдэг органик бүтээгдэхүүн /шилжилтийн бүтээгдэхүүн байж болно/ | - Баталгаажуулалтын байгууллагын гэрчилгээ - Яамнаас олгосон бүртгэлийн дугаар - Органик орцын хувь хэмжээг тогтоосон тухай тэмдэглэл - Бүтээглэхүүний танилцуулга - Бүтээгдэхүүний сав баглаа боодол, хаяг шошго |
- Албан бичиг /шалгаруулалтын төрлийг тодорхой бичнэ/ - Байгууллагын танилцуулга - Бүтээгдэхүүний танилцуулга - Тохирлын гэрчилгээ - Үйлдвэрлэл, борлуулалтын мэдээ тайлан - Бүтээгдэхүүний дээж 1 ш |
Шилдэг бүтээгдэхүүн нь шалгуур үзүүлэлтийг бүрэн хангасан байхаас гадна салбарын өрсөлдөх чадвар, хөгжилд хувь нэмэр оруулсан байдлыг харгалзан үзнэ.
Эх сурвалж: ХХААХҮЯ
Сэтгэгдэл ( 1 )
Сайн байна уу хатагтай, эрхэм ээ Бид бол хүмүүсийн хүсэл мөрөөдлөө хэрэгжүүлэх боломжийг олгох үүднээс хувь хүмүүсийн хооронд зээл санал болгодог санхүүгийн бүтэц юм. Хэрэв танд хувийн төсөл байгаа бол; эсвэл санхүүжилт хэрэгтэй. Хэрэв та сонирхож байгаа бол бидэнтэй холбоо барьж, зээл авах хүсэлтэй байгаа дүн болон таны эргэн төлөх хугацааг хэлж өгнө үү. Бидэнтэй цахим шуудангаар холбоо бариарай: matildalecoustre@gmail.com whatsapp:0033 756 86 5319