Ой тогтоолтын дэлхийн аваргад Монгол Улс хоёрт жагсаж байна

Дэлхийн ой тогтоолтын спортын холбооноос зохион байгуулж буй 28 дахь удаагийн дэлхийн аварга шалгаруулах тэмцээний эхний хоёр өдрийн дараах байдлаар Монгол Улс хоёрдугаарт бичигдэж байна.

Өнөөдөр /2019.12.08/ дэлхийн аварга шалгаруулах тэмцээний эцсийн дүн гарах бөгөөд улс орнуудыг эрэмбэлэхдээ багийн амжилтыг харгалзсан байна.

Монголын Оюун ухааны академийн захирал Х.Хатанбаатар уг тэмцээний талаар “Энэ чиглэлийн сургалт Хойд Солонгосын сургалтын системд нэвтэрсэн учир олон сая суралцагчдаас магадлалын онолоор шилдгүүд гарах нь дамжиггүй. Хятадын хувьд ч мөн зөвхөн энэ тэмцээнд оролцох гэж жилийн турш 60 мянга гаруй тамирчин олон сорилд орсон бөгөөд шалгарсан 300 тамирчин нь өрсөлдөж байна” хэмээн тодорхойлжээ.