Японд "гацсан" оюутнуудаа татан авах санал гаргав

Т.Номин | Zindaa.mn
2020 оны 05 сарын 25

Улсын онцгой комиссын өргөтгөсөн хурал дээр БСШУС-ын сайд Ё.Баатарбилэг Японд гацсан оюутнуудаа татан авч, тэнд суралцах шаардлагатай байгаа оюутнуудаа хүргэж өгөх санал гаргалаа.  

Түүний хэлж буйгаар ЖАЙКА-гийн дэмжлэгээр хэрэгждэг инженер, технологийн дээд боловсролын хөтөлбөрт хамрагдаж, Япон суралцан, гуравдугаар сард төгссөн 69 оюутан ирж чадахгүй байгаа аж. Тэд дөрөвдүгээр сард хөл хорионд оржээ. Хөл хорионд байх хугацааных нь байр, амьжиргааны зардалд өнөөдрийн байдлаар 820 гаруй сая төгрөгийг төслийн мөнгөнөөс зарцуулаад байгаа аж. 

Мөн энэ төслийн шугамаар 118 оюутан, багш, судлаач нар 2020 оны дөрөвдүгээр сараас эхлээд Японд суралцах байсан аж. Эхний удаад хичээлүүд цахимаар орж байсан ч Японы сургуулиас эдгээр 118 хүнийг зургаадугаар сарын 2-5-ны хооронд биеэрээ ирж суралцах шаардлага тавьсан байна. Хэрэв ирж суралцахгүй бол жилийн чөлөө олгож, завсардуулах асуудал ярьж эхэлсэн талаар БСШУС-ын сайд Ё.Баатарбилэг дуулгалаа.

Иймд тавдугаар сарын сүүл, зургаадугаар сарын эхээр Япон улс руу тусгай үүргийн онгоц явуулах бол тус улсад очиж суралцах зайлшгүй шаардлагатай 118 оюутан, багшийг хүргэж өгч, төгсөөд ирж чадаагүй 69 хүнийг эх оронд нь авчрах талаар судалж өгөхийг комиссын гишүүдээс хүссэн юм. 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (202.9.46.111) 2020 оны 05 сарын 27

Казакстан байгаа оюутнуудаа авчраач хоноглох байр ч алга японоос хэдэн удаа авах гээв огт аваагуй улсаасаа иргэнээ татаачээ

0  |  0
zochin(1.66.97.242) 2020 оны 05 сарын 25

ene uvgun ajilaa hj bna u⁉️ medee nom unchaj bna u\nzailuul Val tna ... japand onth baildiig thuthalsan gadaad iin oyutnuud mungu tusalthaa ugj bga ene uvgun hamaaralgui hun avchar sanaaga oyutnii nereer uur ajil amjuulah sanaatai

0  |  0
zochin(150.129.140.156) 2020 оны 05 сарын 25

YAPOND ONTS BAYDLAA TSUTSALJ BAYNA , TED NARYG AWCHRAAD YADAG YUM BE . UDAKHGUY BUTSAJ YAWAKH GESEN YAWUULSANGUY GEED GOMDOLLONO

0  |  0
Top