Дипломат паспортыг хураан авч байх болжээ

2020 оны 05 сарын 28

Монгол Улсын Засгийн газрын 2020 оны тавдугаар сарын 27-ны өдрийн хуралдаанаар дипломат, албан гадаад паспорт эзэмшигчдийн хариуцлагыг нэмэгдүүлэх, хадгалалт, хяналтыг чангатгах зорилгоор “Монгол Улсын дипломат, албан гадаад паспорт олгох, эзэмших, хадгалах журам”-ыг шинэчлэн баталлаа.

Шинэчилсэн журмаар дипломат, албан гадаад паспорт эзэмшигч гадаад улсад албан томилолтоор зорчоод буцан ирж, улсын хилээр нэвтэрсэн даруйд паспортыг нь хилийн боомтод хураан авч, Гадаад харилцааны яаманд хүргүүлэх бөгөөд дараагийн удаа албан ажлаар гадаадад зорчих тохиолдолд эрх бүхий байгууллагын бичгээр ирүүлсэн хүсэлтийг үндэслэн паспортыг түр буцаан олгож байхаар зохицуулсан.

Түүнчлэн дипломат, албан паспорт эзэмшигчийн хүлээх үүргийг нэмэгдүүлж, үүргээ биелүүлээгүй албан хаагчид сахилгын шийтгэл ногдуулах, тухайлбал, гадаад улсад албан ажлаар зорчиж байх хугацаандаа хууль бус үйл ажиллагаанд оролцох, гадаад улсын хил, гааль болон нутаг дэвсгэрт мансууруулах эм, сэтгэцэд нөлөөт бодис нэвтрүүлсэн зэрэг энэ төрлийн аливаа үйл ажиллагаанд холбогдсон тохиолдолд холбогдох хуулийн дагуу төрийн албанаас халах юм.

Сэтгэгдэл ( 6 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin(58.109.221.157) 2020 оны 05 сарын 28

tolgoitoi buhen ariin haalgaar avsan baidag

0  |  0
p(66.181.191.102) 2020 оны 05 сарын 28

barag turiin bgullagiinhan bvgdl iim passtai bolson b.leeshd

0  |  0
иргэн(202.9.46.2) 2020 оны 05 сарын 28

маш зөв. есөн шидийн амьтад дипломат паспорт ашиглан монголын нэрийг гутааж бна

0  |  0
irgen(31.165.231.3) 2020 оны 05 сарын 28

eroosoo l hugazaa ajil ni duussan bol huraah l estoi shdee, yhsenee hiij gemt heregtengyyded yldeej baisan um be pass-iig ni

0  |  0
Гонгор(66.181.189.157) 2020 оны 05 сарын 28

Зөв бна\n

0  |  0
Иргэн(139.5.218.191) 2020 оны 05 сарын 28

Бүр дийлдэхээ болиод ингэж байгаан бна лдаа хогийн хулгайчууд

0  |  0
Top