ӨГЛӨӨНИЙ МЭНД

Өнөөдөр 2020.12.16. Энэ оны 350 дахь өдөр. Он дуусахад 15 хоног үлдэж байна. Монгол эх оронд маань нар 08 цаг 36 минутад мандлаа.

Улаанбаатар хотод цэлмэг. Өдөртөө 17 хэм, шөнөдөө 29 хэм хүйтэн. Та хувцсаа тохируулж өмсөөд гараарай.

Өнөөдөр Албан үүргээ гүйцэтгэж байхдаа амиа алдсан сэтгүүлчдийг дурсах өдөр бол Бахрейнд Үндэсний баяр, Бангладешт Ялалтын баяр, Казахстанд Тусгаар тогтнолын өдөр, Нидерландад Эзэн хааны өдөр, Украинд шүүхийн ажилтны өдрийг тэмдэглэж байна.

Энэ өдөр Германы хөлбөмбөгч Матс Хуммельс, Их Британийн жүжигчин Тео Жеймс, Оросын утга зохиол судлаач Николай Богомолов, телевизийн хөтлөгч Юрий Николаев, Шведийн ABBA хамтлагийн дуучин Бенни Андерссон нарын алдартнууд төржээ.

Энэ өдөр дэлхий дахинд болсон онцлох үйл явдлуудаас дурдвал:

1237 оны энэ өдөр Бат хааны цэрэг Оросын Рязань хотыг бүсэлжээ.

1431 оны энэ өдөр Английн хаан Генрих VI Францын Эзэн хааны суудалд заларлаа.

1899 оны энэ өдөр Италийн хөлбөмбөгийн “Милан” баг байгуулагджээ.

1920 оны энэ өдөр Хятадын Ганьсуд болсон газар хөдлөлтөөр 200 мянган хүн амиа алджээ.

1971 оны энэ өдөр Энэтхэг, Пакистаны гуравдугаар дайн өндөрлөжээ.

1986 оны энэ өдөр Казахстанд Коммунист намын эсрэг залуучуудын жагсаал болжээ.

1989 оны энэ өдөр Румынд хувьсгал эхэлсэн байна.

1999 оны энэ өдөр дуучин Селин Дион 100 сая цомог зарсан амжилтаар Квебек хотоос шагнал хүртсэн байна.

Энэ өдөр үс засуулахад муу. Хэл ам, хэрүүл маргаан ирнэ.  

Тухайн өдөр үхэр, тахиа жилтнээ аливаа үйлийг хийхэд эерэг сайн, могой, морь жилтнээ муу. Өдрийн сайн цаг нь үхэр, луу, морь, хонь, нохой, гахай болой. Эл өдөр эмнэлгийн элдэв үйл, хагалгаа хийлгэх, биеийн тамир хийх, сүм дуганыг сэргээх, газар лусын зан үйл хийх, өр барагдуулах, буг дарахад сайн. Ургаа мод таслах, газрын ам нээх, гөлөг тэжээх, байшингийн суурь тавих, угаал үйлдэхэд муу.

Хол газар одогсод баруун зүгт мөрөө гаргавал зохистой.

Танд амжилт хүсье.