ӨРНИЙН ЗУРХАЙ: Жинлүүрийн ордынхон хайраа олох өдөр

2021 оны 02 сарын 25

Хонь

Хүмүүстэй харилцахад таатай өдөр. Бүх уулзалт амжилттай өнгөрнө. Чухал, хүнд асуудлуудыг өнөөдөр л та шийдэж чадна. Ашигтай гэрээ, наймаа хийж, романтик болзоонд урих хүнтэй танилцах магадлалтай. Үдэш нь зочин хүлээж авах, эсвэл хуучин найзынхаа гэрт зочлоорой. Татгалзах аргагүй санал таныг хүлээж байна.

Үхэр

Эсрэг тэсрэг өдөр. Төвлөрөхөд хэцүү тул юу ч битгий төлөвлө. Санхүүгийн байдлаа хэт өндөрөөр бодвол мөнгөний асуудал дээр алдаа гаргана. Том худалдан авалт хийхийн өмнө хүнтэй зөвлөлд. Ойр дотнын хүмүүсийн тусламжтайгаар бэрхшээлийг даван гарна. Гэрбүлийн хүрээнд сайн мэдээтэй.

Ихэр

Ирээдүйнхээ чухал асуудлыг бодох цаг иржээ. Гэхдээ өдөр тутмын ажлаа мартаж болохгүй. Яаралгүй хийх ажлаа сонгож хий. Гэрбүлийн хүрээнд баяр, хүлээн авалт зохион байгуулах, эсвэл ойр дотнын хэн нэгэнд гэнэтийн бэлэг барихад ээлтэй өдөр.

Мэлхий

Гэнэтийн үйл явдлаар дүүрэн, маш завгүй өдөр. Чухал шийдвэрийг хурдан шуурхай гаргах шаардлага тулгарна. Энэ шийдвэрээс таны ойрын ирээдүй хамаарах юм. Туршлага, эрүүл ухаандаа түшиглээрэй. Бусдын зөвлөгөөг бүү сонс. Найз нөхөд, ойрын хүмүүстэйгээ уулзахад сэтгэл сэргэнэ. Хэрэв та эрс шийдмэг байвал хэн нэгэн тун сонирхолтой эсрэг хүйсний хүнтэй танилцах болно.

Арслан

Няцалгүй хичээж байж зорилгодоо хүрэх өдөр. Олон туршилт таныг хүлээж байна. Туршлагаараа даван туулах болно. Юу ч тохиолдсон ирээдүйгээ өөдрөгөөр хараарай. Тантай танилцахыг олон хүн хүсэж байна. Гэнэтийн сайхан бэлэг авах магадлалтай.

Охин

Тайван амгалан, үр бүтээлтэй өдөр. Хуучин, шинэ танилуудын өгсөн зөвлөгөө бүр үнэ цэнэтэй. Үл хөдлөх хөрөнгө, том худалдан авалт хийхэд тохиромжтой. Зочин хүлээн авбал та чухал мэдээлэл олж чадна.

Жинлүүр

Чухал асуудлыг шийдэхэд ээлтэй тайван өдөр. Зөв шийдвэр гаргахад тань хэн ч саад болж чадахгүй. Хүмүүстэй хэл амаа ололцож, найдвартай түнш, шинэ найзтай болох магадлал өндөр. Гэнэтийн романтик аялалд явж магадгүй. Хэн нэг нь танд хайраа илчилнэ.

Хилэнц

Маш анхааралтай байж, өчүүхэн ч алдаа гаргаж болохгүй. Хэцүү өдөр тул сонор сэрэмжтэй байгаарай. Асуудал өөрөө шийдэгдэхгүй тул та өөрөө хичээ. Олон хүн туслах санал тавих ч эхний алхмыг та өөрөө л хийх ёстойг санаарай. Итгэлтэй найзын үгийг сонс. Харин хувийн асуудалд өөрийн зөндөө найдаарай.

Нум

Санхүү, ажил хэргийн асуудлыг шийдэхэд тохиромжтой өдөр. Ямар ч уйтгартай, хэцүү ажил байсан ч та алзахгүй. Анд найзуудын уулзалт сайхан сэтгэгдэл үлдээх ч хувийн романтик уулзалт таагүй мэдрэмж төрүүлнэ.

Матар

Үр бүтээлтэй өдөр. Хийх ёстой ажил тань сонирхолтой тул та сэтгэл өөдрөг гүйцэтгэнэ. Дарга, түншүүдтэй хийх уулзалт амжилттай. Шинэ санаа олж, бүгдэд ашигтайгаар хийж дуусгана. Зав муутай ч найз нөхөд, гэрбүлийнхэнтэйгээ уулзах цаг гаргаж чадна.

Хумх

Ашигтай зүйл хийхэд ээлтэй өдөр. Олон асуудлыг та хурдан шуурхай шийдвэрлэж чадна. Олон хувилбараас хамгийн зөвийг нь сонгож, өчүүхэн ч алдаа гаргахгүй. Сайн түнш, хамтрагчтай болно. Учир нь та энэ өдөр бүгдийн сэтгэлийг татах увдистай байх юм. Хүн болгон танд туслахыг хүснэ. Романтик болзооны эхлэл өнөөдөр тавигдах учиртай. Холын ирээдүйн талаар сайн төлөвлөгөө орж ирнэ.

Загас

Өдөр тун аятайхан эхлэх тул үдээс өмнө олон ажил амжуулаарай. Татгалзахын аргагүй санал, сэтгэл хөдөлгөсөн шинэ мэдээ сонсох магадлал өндөр. Үдээс хойш ажил ихтэй, санхүүгийн хүндрэл гарах болно. Мөнгөтэй болгоомжтой харьц. Яарч шийдвэр гаргаж болохгүй.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top