Хаврын улиралд хэрхэн хооллох вэ?

Хавар хүний бие организм амин дэм, хэрэгтэй хүнс тэжээл нэхэж, үүнийг дагаад сэтгэл санаа ч тайван бус болдог аж. Хаврын урт өдрүүдийг уур бухимдалгүй, үр бүтээлтэй даван туулахад туслах зөвлөгөөг хүргэе.

• Хаварт шингэний хэрэглээгээ нэмэгдүүл. Энэ нь биеэс хорт бодисыг гадагшлуулна. Усыг дангаар нь уух дургүй бол лимон, цагаан гаа зэргийг хийгээд ууж болно.

• Аль болох хөнгөн хоолло. Гэхдээ илчлэг ихтэй хоолноос огцом татгалзаж болохгүй. Хэмжээг нь алгуур багасгаж, жимс ногоо, цагаан идээг түлхүү хэрэглээрэй.

• Хар шоколад бага багаар ид.

• Өөрт шаардлагатай витаминыг эмчийн зөвлөгөөний дагуу хэрэглэж болно.

• Долоо хоногт нэг өдөр махан хоолноос татгалз. Таны бие аяндаа хөнгөрөөд ирж байгааг мэдрэх болно.

• Дасгал хөдөлгөөн хий. Бүлээн шүршүүрт ор. Тогтмол цагт унтаж, тогтмол цагт босоорой.

• Мөн энэ улиралд бясалгал, иогоор хичээллэх нь хэт их хүч шаардсан дасгал хөдөлгөөн хийхээс илүү дээр.

• Өглөө сэрээд аяга бүлээн ус уу.

• Тод өнгийн хувцас өмсөж, орны даавуу, дэр, бүтээлэг болон бусад эд хэрэглэлээ тод өнгийг сонгоорой. Энэ нь таныг сэргээж, сэтгэл гутралаас сэргийлнэ.