ТОКИО 2020 I Триатлоны аваргууд тодорлоо

Я.Болор | Zindaa.mn
2021 оны 07 сарын 27

Бермудын арлуудын триатлоны тамирчин Флора Даффи эх орондоо анхны Олимпын алтан медалийг авчирлаа.

Усанд сэлэлт /1.5 км/, дугуйн уралдаан /40 км/, гүйлт /10 км/-ээс бүрдсэн триатлон өнөөдөр борооны улмаас товлосон цагаас 15 минут хоцорч эхэлсэн. Флора Даффи нэг цаг 55.36 минутын амжилттай ялсан бол Их Британийн Жоржиа Тейлор Браун /+1.14/ мөнгөн медаль, АНУ-ын тамирчин Кэти Заферес /+1.27/ хүрэл хүртлээ.

33 настай Даффигийн хувьд Токиогийн олимп дөрөв дэх удаагийн олимп. Тэрбээр 2008 онд барианд орж чадаагүй бол, 2012 онд 45-т орж, 2016 онд есдүгээр байранд орж байжээ.

Бермудын арлууд 1936 оноос олимпын их наадамд оролцож байна. Токио-2020 олимпод тус улсыг  хоёр тамирчин төлөөлж байна. Тус улсын хүн ам нь 62278.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top