Юлимар Рохас гурвын харайлтад дэлхийн дээд амжилт тогтоолоо

Венесуэлийн хөнгөн атлетикийн тамирчин Юлимар Рохас Токио-2020 олимпын эмэгтэйчүүдийн гурвын харайлтын төрөлд 15.67 м дэлхийн дээд амжилт үзүүлж, алтан медаль авлаа.

Энэ төрлийн мөнгөн медалийг Португалийн Патрисиа Мамона /15.01/, хүрэл медалийг Испаны тамирчин Ана Пелетейро /14.87/ нар тус тус хүртлээ.

Эхний харайлтаар тэрбээр олимпын рекордыг эвдсэн тэрбээр Токиогоос анхны алтан медалийг эх орондоо авчирсан анхны эмэгтэй тамирчин боллоо.

Рохас Рио-2016 олимпын энэ төрөлд мөнгөн медаль хүртэж байсан билээ. Дэлхийн өмнөх рекордыг 15.50 м амжилттай Украины тамирчин Инесса Кравец 1995 оноос хойш эзэмшиж байсан юм. Тэрбээр мөн 2008 Бээжингийн олимпод Камеруны Франсуа Мбангогийн тогтоосон 15.39 м олимпын дээд амжилтыг эвдсэн байна.