Залуусын зам зурайх CITY RESIDENCE нээлтээ хийлээ

2021 оны 08 сарын 30

Аливаа зүйлд чин зүрхнээсээ ханддаг хувь хүн, байгууллага гэж байдаг даа. Сайн жишиг, шинэ үлгэр дуурайллыг үг, үйлдлээрээ үзүүлж чаддаг ч гэж хэлж болох. Төслийн талбайгаа тохижуулсан байдал, зорьж ирсэн зочдоо хүндэтгэн хүлээн авч буй харилцаа, хандлагаас өөрийн эрхгүй дээрх бодол төрснийг нуух юун. Ёстой нөгөө “Зан сайтай айлд хүн бүхэн цуглаж, замаг сайтай нууранд шувуу бүхэн цугларна” гэдэг шиг л тус хамт олныг зорин ирж буй олны хөл их байв. Их хотын жишиг соёлыг буй болгохоор зориг шулуудан, зорилго нэгдэн ажиллаж буй энэ хамт олон бол барилгын салбарт тод өнгөөр торойж буй “Эрхэт Монгол” группийн эхлүүлж байгаа "CITY RESIDENCE" хотхоныхон юм. Байршлын хувьд тун олзуурхууштай газар баригдаж байгаа болоод ч тэр үү төслийн нээлтийн эхний өдөр 88 айл захиалга хийгээд амжив. Нэг блок байр нь тэр чигээрээ зарагджээ.  Учир нь ирээдүйд үнэ цэн нь улам өсөн нэмэгдэх орчинд чанартай орон сууцыг хамгийн таатай нөхцөлөөр борлуулж буй болохоор тэр биз. Олны мэддэгээр Офицеруудын ордноос зүүн хойшоо Цайз зах, Да хүрээ зэрэг нийслэлийн томоохон төвлөрсөн бүсчлэлтэй ойр болохоор олон ч хүн "CITY RESIDENCE" хотхоныг сонирхож байгаа нь илт. Нийт зургаан блок, 600 айлын орон сууц бүтээн байгуулагдах тус барилгын талбай тэнүүхэн тэгш газар байрлах аж.

 

ХОЁР ЗАЯА БА ХОТХОНЫ НҮҮР ЦАРАЙ

"CITY RESIDENCE" хотхоны төслийн нээлтийн өдөрлөгт олны танил олон эрхмүүд ирсний дотор хоёр ЗАЯА тун ч онцгой харагдав. Хийж буй үйл хэрэг, биеэ авч яваа байдлаараа өнөө цагийн залуусыг байлдан дагуулж буй үлгэр жишээ хосууд бол дуучин С.Ариунзаяа, нэвтрүүлэгч Ч.Одзаяа билээ. Тэгвэл тэд тус хотхоны нүүр царай болж байгаа аж. Энэ тухайгаа хосууд маань “Бидний хувьд нийгэмд сайн жишиг, сайхан үлгэр дуурайллыг түгээхийг хүсдэг. Тийм ч учраас "CITY RESIDENCE" хотхоныг сурталчлахдаа дуртай байгаа. Яагаад гэвэл, оршин суугчдын тав тухтай байдал, их хотын соёлт залуусын хэрэгцээг хангасан жишиг сайхан хорооллыг энэ бүс  нутагт бүтээн босгохоор чармайн ажиллаж байгаад баяртай байна” гэсэн юм.

Х.Мандахбаяр: "Grand Marshal luxury villas" төсөл дээр барьж байгаа чанар, стандартаа энд хэрэгжүүлэхийг зорьж байна

"CITY RESIDENCE" хотхоны ерөнхий захиалагч “Эрхэт Монгол" группийн ТУЗ-ийн дарга Х.Мандахбаяраас нээлтийн өдөрлөгийн үеэр сэтгэгдлийг нь хуваалцлаа. Тэрбээр "Эрхэт Монгол" групп Сэлбэ зуслангийн дэргэд дөрвөн улирлын тансаг зэрэглэлийн "Grand Marshal luxury villas" төслийг амжилттай хэрэгжүүлж байна. Энэ төсөл бол дунджаас дээгүүр орлоготой иргэдэд зориулсан төсөл юм. Нэг мвк үнэ 3-8 сая төгрөгийн хооронд байгаа. Энэ төслийг хэрэгжүүлж эхэлснээс хойш залуучуудад зориулсан, чанартай, боломжийн үнэтэй орон сууц хэрэгтэй юм байна гэдгийг олж харсан. Хэрэглэгчийн эрэлт хэрэгцээ, хүсэл сонирхолд бид нийцүүлэхийг зорьж "City residence" төслөө эхлүүлсэн. Гол нь "Grand Marshal luxury villas" төсөл дээр барьж байгаа чанар, стандартыг энд хэрэгжүүлэхийг зорьж байгаагаараа онцлог. Жишээ нь металл хавтан, чулуун хөвөн дулаалгатай, амьсгалдаг ханын цаас, сан тоноглолын хувьд ОХУ, БНСУ-аас оруулж ирсэн материалаар барина. Хоёр блок орон сууцны барилга угсралт 30 хувьтай явж байна. "City residence" төсөл нийт 12 давхар зургаан ширхэг барилга баригдана. Үүнээс дөрвөн барилгын газар шорооны ажил явагдаж байгаа. Энэ жил угсралтын ажлаа бүрэн дуусгах төлөвлөгөөтэй ажиллаж байна. Хавар дүүргэлт, дотоод заслын ажил хийгдээд, ирэх оны гурав, дөрөвдүгээр улиралд ашиглалтанд оруулахаар манай хамт олон ажиллаж байна.  Энэ төслөө барилгын салбарт удаан ажилласан, туршлагатай "Өнө мөнх хөгжил" констракшнтай хамтран хэрэгжүүлж байгаадаа баяртай байна” гэсэн юм.

Б:Алтанзаяа: Бидний давуу тал зохион байгуулалт, чанар, стандарт юм

“Өнө мөнх хөгжил" констракшны Ерөнхий захирал Б.Алтанзаяагаас дараах асуултад тодруулга авлаа.


-Захиалагчдын хувьд хотхоныхоо барилгын ажлын ерөнхий гүйцэтгэгч компанийн тухай мэдээллийг авахыг хүсэж байгаа байх?

-Манай байгууллага барилгын салбарт хөл тавиад 15 жил болж байна. Бидний давуу тал зохион байгуулалт, чанар, стандарт юм. Энэ жил барилгын материалын үнэ өссөн, хил гааль асуудалтай байгаа ч бид харьцангуй бэлтгэл сайтай байгаа. Учир нь хорио цээр тогтоохоос ч өмнө материалаа татсан байсан учраас барилгын ажил тасралтгүй явагдсаар байна

-Хамгийн сүүлд барилгын ямар төслүүд дээр ажилласан бэ?

-Сүүлд гэвэл, “Art villa” тансаг зэрэглэлийн хаус хотхон, Нарны хорооллын урд дахь “Cozy apartment”, “Grand marshal luxury villas” хотхон зэрэг томоохон бүтээн байгуулалтын ажилд гар бие оролцоод явж байна.

-"CITY RESIDENCE" хотхоны барилгын хийцийн тухайд?

-Төмөр бетон карказ, Металл хавтан болон гоёмсог шилэн фасадтай. Металл хавтан фасадыг сонгосон гол шалтгаан нь 80-100 жилийн баталгаатай. Гаднаасаа нар салхинд өнгө нь гандахгүй. Тэр ч утгаараа олон жилийн насжилттай, бат бөх гэсэн үг. Мөн шалнаасаа тааз хүртэл шилэн балконы хаалттай. Төслийн нийт талбайн 60 хувь нь ногоон байгууламжтай байх болохоор энэ бүсчлэлдээ л орчин үеийн, хотын жишиг хороолол босох юм. Түүнчлэн зургаан блок байрны дунд хүүхдийн тоглоомын талбай гурав байна. Тоглоомын талбайнуудаас гадна сагсан бөмбөгийн талбай хотхон дундаа барьж өгнө. 

Барилгын хийц дээр нэмж хэлэхэд, эрдэст чулуун хөвөн дулаалгатай, газар хөдлөлтийн найман баллд тэсвэртэй, давхар бүртээ галын дохиоллын системтэй, орц бүр даацын болон суудлын хос лифттэй, LG брэндийн амьсгалдаг обой, "Мега вүүд" брэндийн хаалгатай, евро стандартын гурван давхар шилэн цонхтой гээд давуу талуудтай.

-Зогсоолын асуудал маш чухал. Энэ тал дээр хэрхэн анхаарч байна вэ?

-Манай хотхоны хамгийн давуу тал зогсоол гэж хэлж болно. Зогсоолын асуудлыг бүрэн шийдсэн. Байр болгон доороо дулаан зогсоолтой. Мөн гаднах ил зогсоол хангалттай байх юм.

Ц.Энхтуяа: Эргэн тойрондоо сургууль, цэцэрлэг сайтай болохоор захиалга хийлээ

Барилгын талбайгаас захиалга өгсөн иргэн Ц.Энхтуяагийн сэтгэгдлийг сонслоо. Тэрбээр “Эгч нь гурван охиндоо байр захиаллаа. Яг урд талдаа улсын цэцэрлэгтэй, эргэн тойрондоо гурван ч Ерөнхий боловсролын сургуультай болохоор маш их таалагдлаа. Мөн хүүхдүүд аюулгүй тоглох орчин нөхцөлтэй, айл бүрт нэг автомашины зогсоол оногдох боломжтой зэрэг давуу талтай юм байна. Гадаа тоглож байгаа хүүхдээ гэрээсээ хянах дэвшилтэт домофон системтэй гэж байна. Залуучуудыг дэмжсэн, уян хатан нөхцөлтэй нь ч их таалагдаж байна. Орон сууцны үнэ өдөр ирэх тусам өсөж байгаа энэ үед би хямд үнээр чанартай орон сууцны захиалга өгсөндөө баяртай байна” гэв.

Д.Болормаа: Компанийн 2-3 жилийн хугацаатай хүүгүй лизинг олгоно

Орон сууц авахаар төлөвлөж байгаа иргэдэд үнийн мэдээлэл хамгийн чухал. Тус хотхоны борлуулалтын менежер Д.Болормаа үнэ болон бусад холбогдох мэдээллийг өглөө. Тэрбээр “Нээлтийн урамшуулал энэ долоо хоногийг дуустал үргэлжилнэ. Манай хотхоны үндсэн үнэ м.кв нь 2,890,000-3,190,000 төгрөгийн хооронд борлуулагдаж байна. Харин нээлтийн урамшууллын хямдралтай үнэ 100 хувь төлөлтөд хамаарч байгаа. Давхраасаа шалтгаалаад 2-4 давхарт м.кв нь 1,690,000-1,790,000 төгрөг, 5-8 давхарт м.кв нь 1,790,000-1,890,000 төгрөг, 9-12 давхарт м.кв нь 1,890,000-1,990,000 төгрөг байна. Үндсэн үнээр захиалагчдад бартер оролцуулж, компанийн 2-3 жилийн хугацаатай хүүгүй лизинг олгож байгаа. Өрөөний сонголтын хувьд нэг өрөө 26.76 м.кв, хоёр өрөө нь 48.28 м.кв, 49.16 м.кв, гурван өрөө нь 74.04 м.кв-тай байгаа” гэв. Эзний сэтгэлээр их хотын соёлт хотхоныг сүндэрлүүлж байгаа "CITY RESIDENCE"-ийн талаар дэлгэрэнгүй мэдээллийг Борлуулалтын албатай холбогдон аваарай.

 

Борлуулалтын албатай холбогдох утасны дугаар 7777-9080, 9696-9080, 9919-9080, 9810-9080, 9311-9080, 8042-9080, 9005-9080, 9667-9080, 8084-9080, 8070-9080, 8857-9080, 9107-9080, 9068-9080, 9104-9080, 8930-9080, 8907-9080, 8619-9080

 

Эх сурвалж: ӨГЛӨӨНИЙ СОНИН

 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Боловсон хүчин(103.10.22.73) 2021 оны 09 сарын 01

Урлагыхан барилга барих уу, Энэ зурагаа сайн хадгалж аваарай, \n

0  |  0
Erdenebileg(66.181.161.38) 2021 оны 09 сарын 01

Bairlal

1  |  0
Зочин(202.126.88.218) 2021 оны 09 сарын 01

Шантаажны сэтгүүлч Мандахбаярт хулхидуулах нь дээ эд нар уул уурхай гэж уйлан дуудаад байсан яасан энэ нөхөр

0  |  1
Гнэж3(150.129.141.61) 2021 оны 09 сарын 01

Бетонон ширэнгэ офицерүүдийн тэнд бөөн тоос шороо гоё байрлал чгэх шиг

1  |  0
Б(202.126.89.75) 2021 оны 09 сарын 01

ДЭНДҮҮ ИХ ШОУДААД НЭГ Л ТИЙМ БНА ДАА. АЛИАЛАГЧААР ДҮҮРСЭН РЕКЛАМ ХИЙГЭЭД Л , ИТГЭЖ БОЛОХУУ. АМЛААЧ

3  |  2
Top