Сургалтын полигонд их засвар хийлээ

2021 оны 10 сарын 06

Хойд бүсийн төв Орхон аймгийн Онцгой байдлын газрын “Эрдэнэт үйлдвэр” ТӨҮГ-ын гэрээт Гал түймэр унтраах, аврах 58 дугаар ангийн  өдөр тутмын дасгал сургуулилт, бүтцийн нэгжүүдэд шинээр ажилд орсон ажилчдыг сургах зориулалт бүхий сургалтын талбайн засварын ажил 100 хувийн гүйцэтгэлтэй хийгдэж дууслаа.

Тус сургалтын полигоны газар доорх байгууламж, өндрөөс аврах ажиллагаа, авто тээврийн ослоос осолдогчийг аврах, нурангид ажиллах болон шатаж тослох материал хадгалах саванд гарсан гал түймрийг унтраах зориулалтын цэгүүдэд шинээр үзэгчдийн суудал болон саравч хийж, бүх талбайг бетондож шинээр сэтгэл зүйн зурвас хийлээ.

 Ангийн захирагчийн зөвлөлийн гишүүдээс сургалтын полигоныг засварлах санаачлагыг гаргаж, төсөв төлөвлөгөөг гаргасан бөгөөд зардлыг “Эрдэнэт үйлдвэр” ТӨҮГ-аас шийдвэрлэсэн юм. Мөн засварын ажлыг “Шинжүү” ХХК-ны хамт олонд хийж гүйцэтгэлээ гэж Орхон аймгийн Онцгой байдлын газрын Гал түймэр унтраах, аврах 58 дугаар ангиас мэдээллээ.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top