Хөгжлийн бэршээлтэй хүнд ээлтэй нийгмийг уриалсан аян эхэллээ

Хөгжлийн бэрхшээлтэй хүний хөгжлийн ерөнхий газар, Брэйнсторм компани хамтран “Бэрх биш ээлтэй” аяныг энэ сарын 2-ноос эхлүүлсэн юм. Энэхүү аяны зорилго нь хөгжлийн бэрхшээлийн талаар олон нийтэд мэдээлэл өгөх, хүртээмжтэй, ээлтэй нийгмийг цогцлоон байгуулахад хүн бүрийн оролцоо чухал гэдгийг сурталчлах аж.

“Бэрх биш ээлтэй” аян нь арванхоёрдугаар сарын 3-ны хүртэл үргэлжлэх юм. Тус аянд хэвлэл мэдээллийн, төрийн болон төрийн бус байгууллага, контент бүтээгчид, чөлөөт уран бүтээлчид нэгдсэн байна. Мөн мультмедиа контент, нийтлэлүүд, чөлөөт уран бүтээлчдийн бүтээл, “Бэрх биш ээлтэй” хөдөлмөрийн экспо, “Манай байгууллага ээлтэй” хөдөлгөөн зэрэг арга хэмжээг зохион байгуулахаар төлөвлөжээ.