Т.Доржханд: Хөрөнгө оруулалтын хуулийг агуулгынх нь хувьд дэмжсэн

УИХ-ын гишүүн, ХҮН-ын дарга Т.Доржханд асуудал дагуулаад байгаа Хөрөнгө оруулалтын тухай хуульд оруулсан нэмэлт, өөрчлөлтийн төсөлтэй холбогдуулан өнөөөдөр /2021.10.13/байр сууриа илэрхийллээ.

Тэрбээр "Хөрөнгө оруулалтын тухай хуулийг оруулж ирсэн агуулгынх нь хувьд би дэмжсэн. Харамсалтай нь, авлигыг хэрхэн бууруулах, гаднын хөрөнгө оруулалтыг яаж дэмжих зэрэг том асуудлаар нь оруулж ирээгүй.

Ганц гаднын орны иргэдийг байнга оршин суулгана гэх ганц өгүүлбэрээр оруулж ирж, иргэдийг бухимдуулж байгаад нь харамсаж байна. Хуучин ямар ч босго байхгүй байсан. Тэр үед хуулийг өөрчилж, 100 мянган ам.доллар гэж босго тавьсан байдаг. Сая түүнийг нь багасгаж оруулж ирж байх шиг байна.

Хууль санаачлагчид маань энэ том сэдвийг оруулж ирж, иргэдийг бухимдуулж байна л даа. Нэг хэсэг иргэдийг танкаар айлгаад төмөр замын төсөл гацаж байсан тохиолдол бий. Одоо гаднын хөрөнгө оруулалтын зүйл дээр оршин суух асуудлыг оруулж ирж иргэдийг төөрөгдүүлж байна шүү дээ. Хольж ойлгох хэрэггүй. Ийм нэг заалт оруулж ирж байгаа нь хариуцлагагүй асуудал юм. Үл ойлголцол үүсээд байна.

МАН бүлэг дээрээ ярьж, иргэдээ хуваахгүй байх боломж байсан. Гадна, дотнын хөрөнгө оруулалтын асуудал дээр байр суурь маань тов тодорхой. Тэр чиглэлд ч ажиллана" гэх байр суурийг илэрхийллээ.