Хэнтий аймгийн Засаг даргаар Ц.Чогсомжав томилогдлоо

Өнгөрсөн долоо хоногийн баасан гарагт /2021.10.29/ Хэнтий аймгийн иргэдийн төлөөлөгчдийн хурал хуралдаж, Засаг даргаар ИТХ-ын төлөөлөгч, тэргүүлэгч, Засаг даргын орлогч Ц.Чогсомжавыг томилох тухай хэлэлцсэн байна.

Ингээд төлөөлөгчдийн 100 хувийн саналаар сонгогдож, Ерөнхий сайдад нэрийг нь уламжилсан билээ.

Тэгвэл Ерөнхий сайд Л.Оюун-Эрдэнэ Ц.Чогсомжавыг дэмжиж, өчигдөр /2021.11.03/ тэрбээр тамгаа гардан авсан байна. 

Сануулахад, Хэнтий аймгийн Засаг даргаар ажиллаж байсан Ц.Идэрбат УИХ-ын нөхөн сонгуульд ялалт байгуулж, УИХ-ын гишүүн болсон билээ.