Нэр дэвшигч Д.Зүмбэрэллхам: Би ШЕЗ-ын гишүүнээр хоёр жил ажилласан

Б.Эрхэс | Zindaa.mn
2021 оны 11 сарын 16

УИХ-ын Хууль зүйн байнгын хорооны өнөөдрийн /2021.11.16/ хуралдаан Төрийн ордонд үргэлжилж байна. Хуралдаанаар ШЕЗ-ийн шүүгч бус гишүүнд зургаан нэр дэвшигчийн томилгооны сонсгол явуулж байна. Нэр дэвшигчдээс байнгын хорооны гишүүд асуулт асууж, хариулт авч байна.

Энэ үеэр Хууль зүй, дотоод хэргийн сайд Х.Нямбаатар "Шүүгч биш ШЕЗ-ийн гишүүдийг сонгон шалгаруулах журмыг хараад сууж байна л даа. Журмын 2.3-т нэр дэвшигч нь ШЕЗ-ийн гишүүнээр ажиллаж байгаагүй гэж маш тодорхой заасан байна. Би зарим, хууль, журмын тухай ярьж байна шүү. Нэр дэвшигч Д.Зүмбэрэллхам танаас асууя. Та өмнө нь ШЕЗ-ийн гишүүнээр хэдээс хэдэн онд ажиллаж байсан талаараа хэлээч" гэв. 

Үүнд, нэр дэвшигч Д.Зүмбэрэллхам "Монгол Улсын Ерөнхийлөгчийн зөвлөхөөр ажиллаж байхдаа хоёр жил ШЕЗ-ийн гишүүнээр ажилласан. Тэр үед албан тушаалаараа тэгж ажилладаг байсан. Тэр үед орон тооны ШЕЗ гэж байгаагүй. Орон тооны бусаар ажилладаг байсан. Шүүхийн тухай хуульд ШЕЗ-д ажиллаж байгаагүй гэдэг шалгуур байхгүй юм билээ" гэх тайлбарыг өглөө. 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
1 (119.40.103.6)  2021 оны 11 сарын 16

Албан тушаалд шунасан этгээдэд БҮҮ АЛБАН ТУШААЛ өг гэдэг утга бүхий ХЭЛЦ ҮГ байдаг байхаа. Зүмбэрэллхам, бас Эрдэнэчулуун нарт хамаарах бизээ

0  |  0
Шударга иргэн (103.11.195.34)  2021 оны 11 сарын 16

Зүмби-аллах Хүүгээ хаалгадаж хүүхдээ шүүгч болгосон. Одоо ч хүү нь шүүгчээр ажилласаар байгаа

0  |  0
Үнэн (192.82.74.31)  2021 оны 11 сарын 16

Н.Энхбаярт хуулийн зөвлөх хийгээд Авилгалын загалмайлсан эцэг болгосон хүн яаж шударга хүн байхав дээ. Тэгээд ч одоо тэтгэврийн насны хүн юм биш үү? Ер нь Элбэгдорж, Бат-Үүл, М.Энхболд, С.Баяр нарын гар хөл гэхээр тэдний үеийн насны хүмүүс байх шиг байдгийн. Арай залуу хүмүүсийг томилох цаг болсон. ЭДний үе дууссан.

0  |  0
Уншигч (66.181.189.31)  2021 оны 11 сарын 16

Мундаг хүн шүү дээ

0  |  0
зочин (122.201.23.84)  2021 оны 11 сарын 16

Зүмбрэл хэрэггүй ээ

0  |  0
Top