Ж.Сүхбаатар гишүүн "Төрийн албаны тэргүүний ажилтан" болжээ

УИХ-ын гишүүн Ж.Сүхбаатарыг "Төрийн албаны тэргүүний ажилтан" цол, тэмдгээр шагнажээ. Тэрбээр энэ талаараа "УИХ-ын дарга Гомбожавын Занданшатар -аас төр түмэндээ зүтгэж буй үйлсийг минь үнэлсэн "Төрийн албаны тэргүүний ажилтан" цол, тэмдэг хүлээн авч, шагнууллаа.Б.Баатарзориг даргатай Төрийн албаны зөвлөлийн хамт олондоо баярлалаа. 

Миний бие Төрийн захиргааны тэргүүн түшмэлийн гутгаар зэрэгтэй төрийн захиргааны албан хаагч явсан хүн. 2006-2008 онд төрийн захиргааны хамгийн дээд албан тушаал болох Засгийн газрын Хэрэг эрхлэх газрын тэргүүн дэд даргаар ажиллан, мөн энэ хугацаандаа Төрийн албаны зөвлөлийн орон тооны бус гишүүнээр ажилласан билээ.

Яг нэг жилийн өмнө бас Х.Нямбаатар сайд Шүүхийн хууль батлагдсаны дараа намайг “Хууль зүйн албаны тэргүүний ажилтан” цол, тэмдэгээр шагнаж байсан юм. Монгол Төрийг бэхжүүлэхийн тулд төрийн дээд байгууллагуудад олон жил чин шударгаар бүх хүчээ дайчлан ажиллаж байгаа минь шагналын төлөө бус миний амьдралын зорилго, зарчим. Гэхдээ энэ тэргүүний ажилтан цол, тэмдэг миний хувьд нэр төрийн хэрэг байлаа" гэв.