Эдийн засгаа сэргээх зорилгоор 4 их наяд төгрөгийн зээл олгожээ
Улсын Их Хурлын Үйлдвэржилтийн бодлогын байнгын хорооны өнөөдрийн (2022.03.28) хуралдаан14 цаг 24 минутад 52.6 хувийн ирцтэй эхэлж, Монгол Улсыг 2021-2025 онд хөгжүүлэх таван жилийн үндсэн чиглэлийн тухайн жилийн гүйцэтгэлийн явц болон Монгол Улсын Засгийн газрын 2020-2024 оны үйл ажиллагааны хөтөлбөрийн 2021 оны хэрэгжилтийг хэлэлцэв. Байнгын хорооны хуралдаанд энэ талаар Улсын Их Хурлын гишүүн, Засгийн газрын гишүүн, Сангийн сайд Б.Жавхлан танилцууллаа.
Тэрбээр “Эрүүл мэндээ хамгаалж, эдийн засгаа сэргээх 10.0 (арван) их наядын цогц төлөвлөгөө"-ний хүрээнд ажлын байрыг дэмжих зээлд 1.9 их наяд төгрөг, репо санхүүжилтийн зээлийн хүрээнд нийт 789.8 тэрбум төгрөг, ипотекийн хөнгөлөлттэй зээлийн хүрээнд 925 тэрбум төгрөг, хөдөө аж ахуйг дэмжих болон малчдыг дэмжих зээлийн хүрээнд 384.2 тэрбум төгрөг тус тус олгоод байгаа" гэлээ. Ингэснээр нийт 4 их наяд төгрөгийг зээл хэлбэрээр гаргажээ.
Холбоотой мэдээ
Сэтгэгдэл ( 1 )
Ганц мундаг металлургийн үйлдвэр авчраачээ өөрсдөө байгуулна гэдэг худлаа дахиад л хэн нэгэн луйварчин идчихээд хэхрээд сууж байх болно.Өмнөд Солонгос АНУ-с үйлдвэр шууд ачаад аваад ирсэн гэж байна шдээ. Тэгж л ган хийдэг үйлдвэр зээлээр чирч ирэх хэрэгтэй.2-5 тэрбжм доллрын үнэтэй үйлдвэрүүд байдаг гэнэ.