Б.Энхбаяр: Хэрэг хийгээгүй бол хүний нам байсан ч хонгилдуулахгүй
УИХ-ын Халдашгүй байдлын дэд хороо өчигдөр хаалттай хуралдаж, УИХ-ын гишүүн Н.Алтанхуяг, Х.Ганхуяг, Ё.Баатарбилэг, Г.Амартүвшин нарын бүрэн эрхийг түдгэлзүүлэн шалгах прокурорын байгууллагын саналыг хэлэлцсэн. Хуралдаанаар дөрвөн гишүүний бүрэн эрхийг түдгэлзүүлэх шаардлагагүй гэж үзсэн юм.
Тэгвэл УИХ-ын гишүүний бүрэн эрхийг түтгэлзүүлэх Ерөнхий прокурорын хүсэлтийг ХААЛТТАЙ хэлэлцсэн тал дээр УИХ-ын гишүүн Б.Энхбаяр дараах байрь суурийг илэрхийллээ.
Тэрбээр "Асуудлыг нээлттэй хэлэлцэх ёстой юм байна. Улсын Ерөнхий прокурор "Албаны нууц"-ын тамгатайгаар УИХ-д хүсэлтээ ирүүлсэн учраас нээлттэй хэлэлцье гээд ч хуулиар боломжгүй.
Хаалттай байдлаас үүдэж хардлага (хулгайчийг хаацайлж буй эсэх, хилсээр хонгилдож буй эсэх) даамжираад байна. Миний итгэл үнэмшлээр тэнд ард түмнээс нууцлаад байх зүйл алга.
Хэрэг хийсэн гэх үйл баримт харагдахгүй байвал хүний нам байсан ч хонгилдуулахгүй хамгаална. Хэрэг хийсэн гэх үйл баримт байвал өөрийн нам байсан ч хамгаалж хаацайлахгүй гэсэн хатуу итгэл үнэмшилтэй.
Хаалттайгаар хэлэлцэхээр нээлттэй байр суурь илэрхийлэх эрх хязгаарлагдаж байна. Юм ярихаар өөрөө ял шийтгэгдчих болохоор. Ард түмэн ба ард түмний төлөөллийн дээд байгууллага УИХ-ын итгэлцлийг үгүй хийх ийм сөрөг дагавартай учраас цаашид Ерөнхий прокурор нууцаар биш илээр асуудлаа оруулж ирж байх ёстой юм байна" гэлээ.
Холбоотой мэдээ
Сэтгэгдэл ( 3 )
Энхбаяр шиг хүн олон байгаасай.дэмждэг шүү.насан туршидаа үзэл бодолдоо үнэнч байгаарай.хол явна.
ЭНХБАЯР ГИШҮҮН ШИГ ОЛОН ГИШҮҮН БАЙГААСАЙ
zuitei Enhbayar gishuniig bnga demjdeg shuu