Уулархаг нутгаар нойтон цас орно

Өнөөдрөөс эхлэн ихэнх нутгаар сэрүүсч Хангай, Хэнтийн уулархаг нутгаар нойтон цас орох юм байна. Өнөөдөр нутгийн зүүн хагаст бороо үргэлжлэн орж, салхи зарим газраар түр зуур секундэд 16-18 метр хүрч ширүүсэх аж. Маргааш баруун зүгийн нутгийн зарим газар, төвийн нутгийн баруун, зүүн зүгийн нутгийн зүүн хэсгээр, 9-нд баруун болон төвийн нутгаар, 10-нд төвийн нутгийн зүүн хэсэг, зүүн зүгийн нутгийн зарим газраар дуу цахилгаантай түр зуурын бороо орно. Борооны өмнө салхи түр зуур ширүүснэ. Алтай, Хангай, Хөвсгөл, Хэнтийн уулархаг нутгаар шөнөдөө 3-8 градус, өдөртөө 13-18 градус, говийн бүс нутгаар шөнөдөө 12-17 градус, өдөртөө 24-29 градус, бусад нутгаар шөнөдөө 6-11 градус, өдөртөө 19-24 градус дулаан байх ажээ.

Эх сурвалж: Өглөөний сонин