“Эрдэнэс Тавантолгой” ХК хүний эрхийг дээдлэх сайн туршлагаасаа хуваалцлаа

Монгол Улсын Ерөнхийлөгчийн санаачилгаар зохион байгуулсан “Эдийн засгийн хөгжилд эмэгтэйчүүдийн оролцоо” чуулга уулзалт 2022.08.29-нд болж өнгөрсөн. Уг чуулга уулзалтын үеэр явагдсан “Хариуцлагатай бизнесийн байгууллагыг хөгжүүлэхэд эмэгтэйчүүдийн оролцоо, сайн туршлага” сэдэвт салбар хуралдаанд “Эрдэнэс Тавантолгой” ХК-ийн Захиргаа, удирдлагын газрын дарга Х.Батсайхан оролцож, компанид хэрэгжүүлсэн хүний эрхийн магадлан шинжилгээ болон энэ хүрээнд хэрэгжүүлж буй ажлуудын талаар мэдээлэл хүргэлээ.

“Эрдэнэс Тавантолгой” ХК НҮБ-ын Хөгжлийн Хөтөлбөрийн хэрэгжүүлж буй “Бизнес ба хүний эрх” төслийн хүрээнд компанидаа хүний эрхийн магадлан шинжилгээг хийлгэсэн. Үүний дагуу сайжруулалтын төлөвлөгөө гарган ажиллаж байгаа бөгөөд 12 сард үр дүнгээ олон нийтэд танилцуулна.