Б.Жавхлан: Ирэх онд нийт хүүхдийн 91 хувьд нь ХҮҮХДИЙН МӨНГӨ олгоно

Засгийн газрын өнөөдрийн /2022.09.28/ ээлжит хуралдаан үргэлжилж байна. Хуралдаанаар хэлэлцсэн зарим асуудлыг Сангийн сайд Б.Жавхлан танилцуулж, олон нийтэд мэдээлэл хийж байна.

Тэрбээр "Ирэх оны төсөвт нийт хүүхдийн 91 хувьд нь 1.3 их наяд төгрөг төсөвлөж байна. Хүүхдийн мөнгөний хувьд цар тахлын үед өрхийн орлогыг дэмжих томоохон төсвийн бодлого байсан. Үүнийг цаашид огцом бууруулах боломж байхгүй. Энэ үед өрхийн орлогын түвшинд өндөр орлоготой хэсэг нь хүүхдийн мөнгөнөөс татгалзах боломжийг баталгаажуулж байгаа юм. Хүүхдийн мөнгийг 91 хувьд нь хадгалж барих боломж бүрдэж байна гэсэн үг. Хүүхдийн мөнгийг 100 мянган төгрөг хэвээр нь хадгална" хэмээлээ.