Г.Занданшатар: Зардлаа хэмнэж, ТӨСВИЙГ НЭЭЛТТЭЙ хэлэлцэнэ

Б.Эрхэс | Zindaa.mn
2022 оны 10 сарын 03

УИХ-ын 2022 оны намрын ээлжит чуулган өнөөдөр /2022.10.03/ нээлтээ хийлээ. 

Намрын ээлжит чуулганыг нээж УИХ-ын дарга Г.Занданшатар үг хэлэв.

Тэрбээр "Цар тахлаас үүдэлтэй дэлхийн нийтийг хамарсан үнийн өсөлт зэрэгтэй хүндхэн цаг үед энэ удаагийн намрын чуулган эхэлж байна. Найм дахь удаагийн парламент бүрэн эрхийнхээ хугацааны талыг тууллаа. Бидний бүрэн эрх дуусгавар болоход тун богино хугацаа өнгөрч байна. Ард иргэдэд амласан мөрийн хөтөлбөрөө биелүүлэхэд түлхүү анхаарч ажиллах шаардлагатай байна. Инфляци, үнийн өсөлтөөс шалтгаалж ард иргэдийн цалин, орлого буурч байна. Энэ нөхцөл байдал цаашид үргэлжлэх аваас ард иргэдийн амьдрал улам дордоно. Монгол Улс ирэх жилүүдэд ихээхэн хэмжээний 5:7 тэрбум ам.долларын өр төлөх нь эрсдэл дагуулж байна. Гэхдээ урт хугацаандаа Монгол Улсын ирээдүй тод томруун байна. Ойрын өдрүүдэд өвөлжилтийн бэлтгэл ажлыг онцгой анхаарах шаардлагатай байна. Өнөөдрийн байдлаар ургац хураалт 33 хувь, хүнсний ногоо 70 хувьтай байна. Харин өвөлжилтийн бэлтгэл ажил 30 хувьтай байна. Ихэнх нутгаар хүйтэн өвөл болно. Өвөлжилт хүндрэх эрсдэлтэй 11 аймаг байна. Хамтын хүчээр л өвлийн хүндрэлийг давна гэдгийг онцлон хэлэх байна" гэв. 

Түүнчлэн "Төсвийн шинэчлэл, хэлэлцүүлгийг зохион байгууллаа. Эрдэмтэн, судлаачдынхаа үгийг сонслоо. Ажил дээр нь очиж танилцлаа. Ажлын хэсэг бол эдийн засгийг яаралтай тогтворжуулах таван арга хэмжээнд онцгой анхаарч ажиллах шаардлагатайг онцолсон. Төсвийн реформыг хийнэ. Төсвийг нээлттэй хэлэлцэнэ. Үр ашиггүй зардлыг хэмнэж, хөрөнгө оруулалтаа зарцаан танаж, халамжинд шаардлагатай өөрчлөлтийг хийхэд анхаарна. Орлогын рефоормыг хэрэгжүүлнэ. Хүн амын орлогыг нэмэх, хөдөлмөр эрхлэлтийг дэмжинэ" хэмээн хэлсэн үгэндээ тодотголоо. 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(112.72.15.78) 2022 оны 10 сарын 03

Хөдөө орон нутагт үр ашиггүй, үргүй зардал маш их гаргаж байна. Бараг сум болгон 1-2 сургууль, соёлын төв, эмнэлгийн байшинтай болсон байна. Хуучнаа ч булгаагүй балгас болсон. Одоо сүүлдээ 120-150 өрхтэй сумд тийм хэмжээний орон сууц барьж эхэлжээ. Уул хөдөөд сайхан эмх цэгцтэй, өнгө үзэмжтэй хашаа байшин, гэр л хэрэгтэй баймаар юм. Энэ мэт мөнгө угаалт их байнаа . Үүнийгээ жаахан бодмоор юм.

0  |  0
Зочин(66.181.185.246) 2022 оны 10 сарын 03

энэ тухай байнга л ярих юм. үлэг домог боллоо. хэрэгжсэн хянасан зүйл байна уу?

0  |  0
зочин(122.201.21.63) 2022 оны 10 сарын 03

хүүхдийн мөнгөний 300 тэрбум л та нарт үр ашиггүй зардал уу. бусад тансаглалаа багасга. чиний судалгаагаар ард иргэд хүхдийн мөнгөнөөс татгалзах хүсэлтэй гэнэдээ бүү солиороорой ухна аа

0  |  0
Top