Д.Амарбаясгалан: Иргэдийн төрийн албанд өгөх үнэлэмж сул байна
Монгол Улсын Их Хурлын дарга Д.Амарбаясгалан, Улсын Их Хурлын Төрийн байгуулалтын байнгын хорооны дарга Ж.Бат-Эрдэнэ, Ёс зүй, дэгийн байнгын хорооны дарга Б.Баярбаатар, УИХ-ын гишүүн Э.Болормаа, Ж.Баярмаа, С.Эрдэнэбат, С.Зулпхар, Б.Хэрлэн нар өчигдөр (2024.09.05) Төрийн албаны зөвлөл, түүний дэргэдэх Ёс зүйн хороонд ажиллалаа.
Төрийн албаны зөвлөлийн дарга Л.Цэдэвсүрэн төрийн албан хаагчдын талаарх танилцуулгадаа төрийн 4239 байгууллагад 229 621 төрийн албан хаагч ажиллаж байгаа нь нийт хүн амын 6,8 хувь, ажиллах хүчний 17,9 хувийг эзэлж буйг дурдлаа. Мөн хөгжлийн бэрхшээлтэй 500 иргэн шинээр ажилд орсон нь хөдөлмөр эрхлэлтийг дэмжих бодлогын үр дүн гэв. Төрийн албаны зөвлөл 2019-2024 онд төрд учруулсан хохирлыг нөхөн төлүүлэх чиглэлээр бүртгэл явуулж, 2024 оны эхний найман сард 471 сая төгрөгийг улсын төсөвт татан төвлөрүүлжээ.
УИХ-ын дарга Д.Амарбаясгалан иргэд, олон нийтийн зүгээс төрийн албанд өгч ирсэн үнэлэмж, үнэлгээ сул байгаад анхаарал хандуулж, хариуцлагатай төрийн алба, албан хаагчийг бий болгох, төрийн албаны хүний нөөцийн бодлого, зааг ялгааг тодорхой болгоход анхаарлаа хандуулж ажиллана гэлээ. Цаашлаад “Алсын хараа-2050” Монгол Улсын урт хугацааны хөгжлийн бодлого, “Шинэ сэргэлтийн бодлого” зэрэг баримт бичгүүдэд төрийн албаны шинэчлэл, төрийн албаны бүтцийн өөрчлөлтийн асуудлыг тусгаж чадсаныг тодотгоод төрийн албанд процессын дахин инженерчлэл хийх шаардлагатай талаар онцоллоо. Ингэснээр орчин цаг, нийгмийн хэрэгцээнд тулгуурлан, олон нийтийн хүлээлтэд хүрч чадахуйц бүтэцтэй төрийн албыг бий болгох боломжтой гэв.
УИХ-ын Төрийн байгуулалтын байнгын хорооны дарга Ж.Бат-Эрдэнэ төрийн албанд томоохон шинэчлэл хийх нь зүйтэй бөгөөд хариуцлагын тогтолцоог чангатгаж, төрийн албанд шатлан дэвших гол шалгуурт ёс зүйн асуудлыг оруулах ёстой гэсэн бол, УИХ-ын Ёс зүй, дэгийн байнгын хорооны дарга Б.Баярбаатар төрийн албаны нэр хүндийг унагааж буй ёс зүйн доройтол, авилга, хүнд сурталтай тэмцэх, дахин инженерчлэл хийх зайлшгүй шаардлагатай хэмээв. Мөн ТАЗ-ийн гишүүд Ёс зүйн хорооны гишүүнээр ажиллаж байгаа нь хараат бус үйл ажиллагаа явуулахад учир дутагдалтай талаар дурдлаа.
УИХ-ын гишүүн Ж.Баярмаа төрийн албан хаагчийн буруутай үйл ажиллагааны улмаас учирсан хохирлыг нөхөн төлүүлэх, хянан шалгах дөрөв дэх засаглалыг бий болгох талаар санал хэллээ.
УИХ-ын дарга Д.Амарбаясгалан олон нийт төрийн албанд итгэх итгэл илт суларч байгаа нь арга барил, үзэл баримтлал, философийн хувьд хоцрогдсон учраас УИХ хууль эрх зүйн шинэчлэлийг эхлүүлж байна хэмээлээ гэж Улсын Их Хурлын Хэвлэл мэдээллийн газраас мэдээллээ.
Холбоотой мэдээ
Сэтгэгдэл ( 8 )
Сайд, дарга нар өөрсдийн хүнээ төрийн албанд шургалуулж, төрийн албыг сүйрүүлснээ засчих.
Төрийн алба ч төрлийн алба болоод удаж байна даа, одоо мэдэж байгаа юм байх даа энэ хүн
Нэг цэгийн ажилтнуудаас юм асуухад юу ч мэдэхгүй их нэг л их зан болсон хүмүүс байдаг
Нэг цэгийн ажилтнуудаас юм асуухад юу ч мэдэхгүй их нэг л их зан болсон хүмүүс байдаг
Төрийн үйлчилгээний алба муугийн муу үнэлгээ авахаар бгаа нь хатуу үнэн
ӨДӨБР БҮР АВЛИГАЛ ХЭЭЛЬ ХАХУУЛЬ ДАРГА НАРЫН ХАМСААТАН НАР ТӨРИЙН МӨНГИЙГ УУЖ ИДЭЖ ШАМШИГДУУЛЖ БУЙГ БИЧИЖ АРД ИРГЭДИЙН ТООЛДОГ ХЭДХЭН ЮМ НЬ ХҮНСЭНДЭЭ ЧХҮРЭХГҮЙ БАЙХАД МУУ ДҮГНЭХГҮЙ Ч ЯАХ ЮМ БИЛЭЭ. ГАЙХААД МЭДЭЭГҮЙ ЦАРАЙ ҮЗҮҮЛЭД БАЙХ ХЭРЭГ БАЙНА УУ. ЭСВЭЛ ТИЙМ АМЬДРАЛААС ТАСАРХАЙ ЕС ТӨДИЙ УЛСЫГ УДИРДДАГ ЮМ УУ. ЯМАР СОНИН ЮМ ӨӨРСДӨӨ ГАДНЫ ХӨГЖИЛТЭЙ ОРНУУДЫЙН ҮЙЛДВЭРИЙН ЭЗЭД ШИГ БАЯЖИЖ ЦАДАЦГААГААД АРД ОЛНЫГ ӨӨРСӨН ШИГЭЭ АДИЛ ГЭЖ БОДДОГ ЮМ УУ. ЯМАР Ч ҮЙЛДВЭР АЛГА АРД ИРГЭД ЧИНЬ АЛЫН БАЙРГҮЙ ҮНСЭНД ХАЯСАН ШАЛЗ ШИГ БАЙНА
I095587ANUSDI
Цэдэвсүрэн гэж Боловсролын зээлийн сангаар сурах оюутанаас авилга авч шийдэж байсан, хуурамч дипломтой ямар ч сургууль төгсөөгүй шаварчин авгай төрийн албаны зөвлөлийн дарга хийж байна. Энэ тэгээд ариун явдал уу. МАН нам ийм боловсон хүчний хомсдолтой юм уу. Жангаа идэх хүн төрийн албаны зөвлөийн дарга гэнэ үү. Одоо өөрчил.\n