Ч.Лодойсамбуу: Гишүүний ажлаа хэзээ хийх вэ, ГИШҮҮД ЭЭ!

УИХ-ын гишүүн Ч.Лодойсамбуу 2025 оны улсын төсөвтэй холбоотой асуудлаар мэдээлэл хийлээ.

Тэрбээр "Төсөвт таналт хийх Энхтүвшин, Ж.Баярмаа нарын гишүүдийн шаардлагыг би бүрэн дэмжиж байгаа, дэмжихээс ч өөр аргагүй. Нэг асуудал байна. Би цаасан дээр зураагүй. Яагаад вэ гэхээр бид нар сонгуулиас хойш таван сар өнгөрлөө. Хэзээ гишүүн болох гээд байгаа юм бэ гэж гишүүдээс асуумаар байна. Гишүүний ажлаа хэзээ хийж эхлэх юм. Төсвийг ингэж хэлэлцдэг юм уу. Төсвийн хэлэлцүүлгийн үеэр ямар ч зарчмын зөрүүтэй санал оруулаагүй явчихаад, яг төсөв батлагдахын даваан дээр төсвийг тат гэж улстөр хийдэг байж болохгүй. Парламентын гишүүн чинь үндсэн ажлаа хийх ёстой. Дөрвөн долоо хоног төсөв хэлэлцэж байхад зарим гишүүн хаана байсан юм бэ. Төсвийг хэмнэх тухай цаасан дээр нэр нь байгаа гишүүдээс Ж.Баярмаа, Д.Цогтбаатар гээд тоотой хэдэн хүмүүс л хэлэлцүүлгийн үеэр зарчмын зөрүүтэй санал гаргаад Байнгын хороон дээр дэмжигдэх  нь дэмжигдээд явсан. Гэтэл цаасан дээр гарын үсэг зурсан байгаа хүмүүс дотор төсвийн зардлыг улам нэмье гэж гүйгээд, тэр нь бүтэхгүй болохоор буцаагаад тат гэх саналтай хүмүүс ч багтчихсан байна. УИХ-ын гишүүд үндсэн ажлаа хиймээр байна" гэв. 

БИЧЛЭГ ҮЗЭХ