П.Сайнзориг: Арванхоёрдугаар сард төсөв тодотго гэх нь ХУУЛЬ ЗӨРЧ гэсэнтэй адил
.jpg)
Монгол Улсын 2025 оны төсвийн зарлагыг 26 их наяд, 485 тэрбум байхаар бүхэлд нь эцэслэн баталлаа.
Энэхүү төсвийг 12-р сард багтаан тодотголд оруулж ирж хэлэлцэх нь Засгийн газрыг хуул зөрч гэж буйтай ижил зүйл гэдгийг УИХ-ын гишүүн П.Сайнзориг онцоллоо.
Энэ тухай тэрээр "Тодотгол хийх таван үндэслэл бий. Энэ таван үндэслэл бүрдээгүй тохиолдолд 12-р сард багтаан тодотгол хий гэдэг бол өөрөө эргээд Засгийн газрыг хууль зөрч байгаатай ялгаагүй. Төсвийг батлах явцад Засгийн газрын мэдээлэл дутуу, эргээд ажлын хэсэг ажилласан байдлаас хаа хаанаа алдаа гарсан. Энэ төсвийг батлахдаа 25 хүний бүрэлдэхүүнтэй Ц.Даваасүрэн гишүүнээр ахлуулсан ажлын хэсэг 70 хоног ажиллалаа. Ингэхдээ аравхан санал гаргаж, УИХ-ын гишүүдээс 42 санал гарсан. 42-оос ес нь татагдсан байна. Гишүүд өөрсөд дээрээ анхаарахгүй байж Засгийн газрыг ийм төсөв баталж болохгүй гээд байж болохгүй.
Энэ ажлын хэсэг бараг хуралдаагүй шахуу төсөв оруулж ирсэн. Төсвийн байнгын хорооны дарга бяслагийн үйлдвэрийн барьцаанд орлоо. Бяслагын үйлдвэрийн барьцаанаасаа болоод энэ төсвийг бодитой танаж сайжруулах ажлаа хийсэнгүй" гэлээ.
Холбоотой мэдээ
Сэтгэгдэл ( 0 )