ХЭН ЮУ ХЭЛЭВ I Ө.Шижир: Ураны салбарын алтан үеийг ашиглах ёстой

Энэ удаагийн “Хэн юу хэлэв” буланд УИХ-ын гишүүн Ө.Шижир, Ж.Ганбаатар, Б.Уянга нарын үгийг онцоллоо.

УИХ-ын гишүүн Ө.Шижир:

-Цөмийн энергийн тухай хуулийн өөрчлөлтийг дэмжиж байгаа. 2011-2070 он хүртэл ураны салбарын өсөлт үргэлжлэх юм билээ. Бид энэ алтан үеийг ашиглах ёстой. Гэхдээ өмнөх алдаагаа давтахгүй байх нь чухал. ОХУ манайд хоёр дахь удаагаа бага оврын Атомын цахилгаан станц барьж өгнө гэж амлаж байна. Гэвч 2007 онд ярьсан эхний амлалтдаа хүрээгүй. Сая ирэхдээ хэлсэн амлалт ч худал шүү.

УИХ-ын гишүүн Ж.Ганбаатар:

-Монгол Улсын аж ахуйн нэгж, иргэн бүр НӨАТ төлдөг ч "Оюутолгой" ХХК НӨАТ төлдөггүй.  Бид Оюутолгойгоос ч, ураны шар нунтаг олборлолтоос ч НӨАТ авах ёстой.

УИХ-ын гишүүн Б.Уянга:

-Дахин боловсруулсан ус ашиглахтай холбоотой хууль эрх зүйн орчинд тодорхой зохицуулалт байхгүй байна. Хаягдал усыг дахин цэвэршүүлж боловсруулахад технологийн тодорхой зардал гарах учраас эцсийн бүтээгдэхүүнд нэмүү өртөг шингэж өртөг өндөртэй болох нь гарцаагүй. Энэ нөхцөлд үер, цас, мөсний усыг хадгалж хуримтлал үүсгэх нь өртөг зардлын хувьд бага байж мэднэ.