ЭМЯ | Улсын эмнэлэг төлбөртэй үйлчилгээ үзүүлнэ гэсэн зүйл БАЙХГҮЙ

Эрүүл мэндийн сайд Т.Мөнхсайхан Эрүүл мэндийн даатгалын асуудлаар мэдээлэл өглөө. 

Мэдээллийн үеэр тэрээр "Өнгөрсөн гурван жилд төвлөрөх ёстой байсан 218 тэрбум төгрөг төвлөрөөгүй байна. Энэ оны зарцуулах ёстой санхүүжилтийг урагш татаж хэрэглэсэнтэй холбогдуулан санхүүжилт хүндэрсэн хэдий ч өнөөдрийн байдлаар ямар нэгэн тусламж үйлчилгээ зогсоох, улсын эмнэлгүүд төлбөртэй тусламж үйлчилгээ үзүүлэх нөхцөл байдал үүссэн зүйл огтоос байхгүй. 

ДЭЛГЭРЭНГҮЙ ҮЗЭХ 

Зарим улсын эмнэлгүүдэд Эрүүл мэндийн даатгалын ерөнхий газартай хийсэн гэрээний гүйцэтгэл хэтэрсэн нөхцөл байдал байгаа. Эдгээр эмнэлгүүдтэй хэлэлцээр хийж, цаг үеийн нөхцөл байдалтай уялдуулан, нэн шаардлагатай бус иргэдийг хэвтэн эмчлүүлэхээс зайлсхийх чиглэл өгсөн байгаа. Үүн дээр мэдээллийн буруу ойлголт үүссэн байх.

Бид ЭМД-ын санд өнгөрсөн хугацаанд нэлээд зохицуулалт хийж сайдын багц зэрэг хэмнэлтүүдийг хийж ЭМД-ын сан руу төвлөрүүлж ажиллаж байгаа. Үүний үр дүнд бид энэ 11, 12-р сард эмнэлгийн тусламж үйлчилгээ, ялангуяа нэн шаардлагатай тусламж үйлчилгээн дээр доголдол үүсгэхгүйгээр санхүүгийн эрсдэл, хүндрэл учруулахгүйгээр дуусгах нөхцөл бүрдсэн байгаа" гэлээ.