Fantasy тааварт уралдааны анхны ялагч шагналаа гардлаа

Хийморь.мн цахим хуудас Английн Премьер лигийн 14 дүгээр тойргоос эхлэн хөлбөмбөг сонирхогчдынхоо дунд Fantasy тааварт уралдааныг албан ёсоор зарлан явуулж, анхныхаа ялагчид шагналыг нь гардууллаа.

Манай тааварт уралдааны анхны тойрогт О.Доржсүрэнгийн байгуулсан DiamondAmulet баг 107 оноо авч, ялагчаар тодорсон. Ялагчид шагналаа гардуулах үеэр бичил ярилцлага авсан юм.

-          Манай Хийморь.мн-ээс зохион байгуулж буй Fantasy премьер лигийн эхний тойрогт ялагчаар тодорсонд баяр хүргэе. Өөрийгөө танилцуулна уу?

-        Намайг Доржсүрэн гэдэг. Программистаар ажилладаг.

-          Танай баг 107 оноо авсан байсан. Багаа бүрдүүлэхдээ юуг гол болгосон бэ?

-        Ямар багууд хоорондоо тоглож гэж байгааг сайтар харж байгаад тоглогчдоо сонгосон.

-          Өөрөө ямар багийн хөгжөөн дэмжигч вэ?

-        “Манчестер Юнайтед”.

-          Танай багаас ямар тоглогч хамгийн олон авсан бэ?

-        Айегбени Якубу, Томас Вермален, Робин Ван Перси зэрэг тоглогчид гол оноог авсан.

-          Манай цахим хуудсаас явуулж буй Fantasy тааварт уралдаан танд ямар онцлогтой санагдаж байна вэ?

-        Монгол хэл дээрээ ийм тааварт уралдаан явуулж буй нь уншигч, хөлбөмбөг сонирхогчдод илүү ойр дөхөм байгаа боловуу.

 Хийморь.мн цахим хуудсаас явуулж буй Fantasy тааварт уралдаанд оролцогчдоос тойрог бүрт хамгийн өндөр оноо авсан багийн эзнийг авдар шар айргаар урамшуулж буй юм.