Монголын сайтын холбооны шинэ жил боллоо

Монголын Сайтын холбооны нийт гишүүн сайтууд болон энэ салбарт ажиллагсдын нэгдсэн шинэ жилийн баяр өнгөрсөн баасан гаригт болж өнгөрлөө.

Монголын сайтуудын шинэ жилийн баярт www.inet.mn , mongolnews.mn, medee.mn, zaluu.com, tsag.mn, olloo.mn, mass.mn, bolod.mn, noyon.mn, zindaa.mn. niigem.mn зэрэг 100 орчим сайтуудын төлөөлөл оролцсон юм.

Энэхүү хүндэтгэлийн цэнгүүн нь улаан хивсний ёслолоор эхлэсэн бөгөөд Монгол Улсын Ерөнхий сайд С.Батболд, БСШУ-ны сайд Ё.Отгонбаяр нарын хүндтэй зочид хүрэлцэн ирсэн юм. Мөн Мэдээлэл Харилцаа Холбоо Технологийн Газар, Мэдээлэл Харилцааны Зохицуулах Хороо, Үндэсний Дата Төв зэрэг төрийн байгууллагын удирдлагуудаас гадна ТВ 9 телевийн захирал Ц.Энхбат , ETV захирал Даваабаяр болон Монголын Сэтгүүлчдийн Эвлэл, Монголын Сонины Холбоо зэрэг мэргэжлийн холбоод байгууллагуудын удирдлагууд хүндэт зочдоор оролцлоо.

Монголын сайтын холбоо ажил бүтээлээрээ бусдыгаа хошуучилсан сэтгүүлч нарыг шагнан урамшуулсан бөгөөд үүнд www.mass.mn – ны ерөнхий захирал Ж. Жаргалсайхан МУСТА – р энгэрээ мялаалгаж , Харилцаа Холбоо Мэдээлэл технолонгийн Тэргүүний Ажилчнаар www.zindaa.mn сэтгүүлч Слава , www.tsag.mn – н Д. Дэлгэрмөрөн , БСШУ яамны хүндэт жуух бичгээр www.tsag.mn – ны захирал Б. Цогтгэрэл , www.bolod.mn – захирал Б.Мөнхдөл болон н.Нямбаяр , н. Даваабаяр зэрэг хүмүүс шилдэгүүдээр тодорлоо.

Монголын вэб сайтын ертөнцийнхөн хамдаа амжилт бүтээл, алдаа оноогоо цэгнэж, нэгэн үдшийг баяр цэнгэл дүүрэн өнгөрөөцгөөсөн. Сайтуудын шинэ жилд "Хурд", үндэсний хөгжмийн "Домог", "Мотив", хошин урлагийн "Шинэ үе" хамтлаг, "Соёл-Эрдэнэ" хамтлагийн гоцлол дуучин, СТА Б.Цогтдэлгэр, Ноён Бондгор, "Хар сарнай" хамтлагийн дуучин Амараагийн дүү Амарбаясгалан, залуу дуучин Мино, дуучин Ану зэрэг уран бүтээлчид хүрэлцэн ирж ая дуугаа өргөсөн.

Цахим хэвлэл мэдээллийн хамт олондоо ажлын өндөр амжилт хүсэн ерөөгөөд Шинэ оны гал халуун мэндийг хүргэе.