Шинэ жилийн шөнө автобус 01 цаг хүртэл үйлчилнэ

Нийтийн тээврийн газраас энэ сарын 31-ний өдөр том оврийн автобуснуудыг шөнийн нэг цаг хүртэл явуулахаар болжээ. Тухайлбал 4-р хороолол-Улаанхуаран, Толгойт-ХӨСҮТ, Яармаг -МУБИС-Ард, Нисэх-МУБИС-Ард, 3,4-р хороолол-4 зам-Шархад, Улиастай-Сүхбаатарын талбай, Зүрх уул-Чингэлтэй-МУБИС, Бэлх-ДарьЭх-Возкал, Зүүн салаа-ХӨСҮТ, Их наран-МУБИС, Улиастай-Сансар-Согоотын гудамж чиглэлд явдаг автобуснууд 31-ний шөнө 23-01 цагийн хооронд Сүхбаатарын талбай болон МУБИС-ийн буудлаас өөр өөрсдийн чиглэл рүүгээ хүн ачих юм байна. Дээрх хугацаанд үнийн тарифанд өөрчлөлт орохгүй юм байна.