Зул сарын дээд амжилтууд

Хамгийн их ашиг авчирсэн зул сарын дуу

Уншигч та Mariah Carey-н зул сарын дууг гэж эндүүрэвээ.  1942 онд гарсан Bing Crosby-н White Christmas хэмээх дуу бүх цагийн үеийн хамгийн их ашиг авч ирсэн зул сарын дуу юм. Тус дуу нь 50 сая хувь борлогдож одоог хүртэл зул сараар эгшиглэсээр байгаа.

Хамгийн үнэтэй зул сарын ил захидал

Хамгийн үнэтэй зул сарын ил захидал нь 2001 онд Английн Wiltshire-н Devizes-д  дуудлага худалдаагаар 20,000 доллараар зарагдсан байна. Ил захидалын зургийг John Calcott Horsley гараараа зурсан бөгөөд тус ил захидалыг Sir Henry Cole 1843 онд эмээдээ өгч байжээ.

Хамгийн үнэтэй тоглоомон цэрэг

Та хамгийн төгс бэлэгийг хайж байна уу? G.I. Joe байвал ямар вэ? Хамгийн анхны G.I. Joe байвал  ямар вэ? 1963 онд  Don Levine-ны уралсан анхны загварыг нэгэн чинээлэг Америк бизнесс залууд 2003 оны 8 сард 200,000 ам.доллараар худалдаалсан байна.

Хамгийн том бэлэг

Дэлхийн хамгийн том бэлэг бол Эрх чөлөөний хөшөө юм. 1886 онд Францын ард түмэн АНУ-д бэлэглэж байсан юм. 46,5 метр өндөр энэхүү хөшөө 225 тонн жинтэй ажээ.

Хамгийн том сахиусан тэнгэрэн чимэглэл

Энэ сахиусан тэнгэрийг зул сарын модны орой дээр тавих ямар ч боломж үгүй юм. Хэтэрхий том болохоор тэр л дээ. Тодруулбал дэлхийн хамгийн том сахиусан тэнгэрийн хэлбэр бүхий чимэглэл нь  5,57 метр өндөртэй бөгөөд ёроол хэсэг нь 2,47м өргөнтэй. Сахиусан тэнгэрийг 2946 ширхэг шилтэй гар айргаар хийж 2000 оны 1 сард Мексик улсын Nuevo Leon-н Alfonso Reyes өргөн чөлөөнд байрлуулан анх удаа  олон нийтэд дэлгэн тавьжээ.

И.Мөнхзул