Өнөөдөр хулгана өдөр

 Аргын тооллын нэгдүгээр сарын 28. Санчир гариг. Билгийн тооллын 05. Нэг ил цагаан мэнгэтэй шархулгана өдөр. Өдрийн наран 08.15 цагт мандан 17.34 цагт жаргана. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, нялхсын сэвлэг үргээх, бэр гуйх, инж өгөх, авах, үнэт эрдэнийн зүйл авах, хүүхэд үрчлэн авах, дарханы үйл эхлэхэд сайн.

Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад эд мал арвижна.