С.Батболд: Хүний эрүүл мэнд, амь насны төлөө хариуцлага хүлээдэг амаргүй хөдөлмөрийн үнэлэмж өндөр байх ёстой

Эрүүл мэндийн  салбарынхан 2012 оныг “Эмнэлгийн тусламж, үйлчилгээний чанарын жил” болгожээ. Харин Засгийн газар “Өрхийн хөгжлийг дэмжих жил” болгон зарласан. Тиймээс эмнэлэгийн тусламж, үйлчилгээний чанарыг сайжруулахын зэрэгцээ өрхийн эрүүл мэндийг хамгаалах талаар ч тодорхой арга хэмжээ авч ажиллахыг Засгийн газрын тэргүүн анхаарууллаа. Монгол Улсын Ерөнхий сайдын санаачилгаар 0-18 насны хүүхдүүдийг эрүүл мэндийн урьдчилан сэргийлэх үзлэгт үнэ төлбөргүй хамруулах “Монгол хүүхэд” хөтөлбөрийг хэрэгжүүлэх ажил эхлээд байгаа. Хөтөлбөрийг үр дүнтэй  хэрэгжүүлэх нь Эрүүл мэндийн салбарын ажиллагсдын хичээл зүтгэлээс бүрэн хамаарах учраас дэмжиж ажиллахыг мөн энэ үеэр хүсээд Хүн ардынхаа эрүүл энхийн манаанд зогсож буй эмч эмнэлгийн ажилтнуудын буянтай,  нэр төртэй их үйлсэд өндөр амжилт хүсч сайн сайхныг ерөөлөө гэж Засгийн газрын хэвлэл мэдээллийн агентлагаас мэдээллээ.