Ард түмний мисс Д.Ариунцэцэг гэрийнхээ сантехник, цахилгааны эвдрэлийг өөрөө засдаг

 Сайхан бүсгүйн жаргал зовлонг ханатал эдэлж яваа мисс Ариунцэцэг хайр сэтгэлийн гурвалсан холбоо бүхий хэл амнаас дайжин Сингапур-Монгол хоёрын дунд жим гартал ирж очин  чимээгүйхэн амьдарсаар хэдэн жилийг үдэж буй.  Анх 16 настайдаа миссийн тэмцээнд  оролцож, олны танил болсон тэрээр өөрийг нь  алган дээрээ тавьчихсан юм шиг дураараа шинжиж, сонжсон хүмүүсийн харцнаас залхсандаа  загварын тайзыг орхисон гэдэг. Эршүүд зантай, техникт дуртай тэр  багадаа   алх хадаас, бахь,  атвёрка  бариад аавдаа тусалдаг байжээ. Одоо ч гэсэн гэртээ гарсан сантехник, цахилгаантай холбоотой эвдрэлийг өөрөө засчихдаг аж.   Ариунцэцэг  өнгөрсөн жил Удирдлагын академийн бизнесийн удирдлага, маркетингийн ангийг төгссөн бөгөөд  цаашдаа  бизнес  тал руугаа өөрийгөө хөгжүүлэхээр эргэлт буцалтгүй шийдсэн гэнэ шүү.  

 Г.Энхтуяа